հա՛մ նալին խփել, հա՛մ մեխին

Վիքիբառարան-ից
Jump to navigation Jump to search

Հայերեն դարձվածք

  1. իրար հակառակ բաներ պնդել, կետեր շոշոփել, դիրքեր բռնել ◆ - Հիշենք, թե քանի՜-քանի անգամ է... ինչպես ասում են, մեկ նալին խփել, մեկ մեխին: ... Պրեզիդենտը որոշակի քաղաքական գիծ չունի, չի պահպանում։ «Խորհրդային Ղարաբաղ» ◆ Հիմա կասեն համ նալին ես խփում, համ՝ մեխին: «Հայք» ◆ - Մեջ Արարք, մեջ Վարագ... Մեկ նալին ես, մեկ էլ տեսար՝ մեխին: Գուրգեն Մահարի ◆ «Եվ նալին էին խփում և մեխին», որ չվիրավորեն վաստակավոր հեղինակին։ Ստեփան Զորյան ◆ - Բանի ոլորքը իսկի իմանում ը՞ն։ Մինը նալին ա խփում, մինը՝ մեխին: Դերենիկ Դեմիրճյան ◆ Չզարկեցի ես մեկ մեխին ու մեկ նալին աշխարհում, / Ես եղնիկն եմ մեղքանում, ոչ թե գայլին աշխարհում։ Հովհաննես Շիրազ ◆ Հիմա Ա-ն կողմնորոշումը կորցրել է. նա և՛ պայտին է խփում, և՛ մեխին: Միայն պայտին խփում է Սիրազնիկը, և նրան ձայնակցում է Եվան։ «ՍՀ» ◆ Հա՛մ նալին ա տալի, հա՛մ մխին: Արամ Ղանալանյան ◆ - Չէ՛, էսօր գիրդ շաղվել է, Անդրի։ Մին նալին ես խփում, մին մեխին: (Ակսել Բակունց) ◆ - Լոխճի կըռքընեքն էլ [«բոլորի ատամներն էլ»] հիմբյարել ա, մի տեղ նալին ա ծեփում, մի տեղ՝ մեխին: ◆ Մեկի նոլան կը քիշտե, մեկի՝ մըխան:

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։