հաշիվները մաքրել

Վիքիբառարան-ից
Jump to navigation Jump to search

Հայերեն դարձվածք

  1. հաշվեհարդար տեսնել ◆ Կինը մտածում էր, թե երեխ օրում նրա հետ հաշիվները կմաքրի: «Գ աչխ» ◆ Այս պայմաններում էլ հիվանդությունը բռնեց ինձ, հետս իր հաշիվները մաքրելու հաստատ մտադրությամբ: Գուրգեն Մահարի
  2. վրեժխնդիր լինել ◆ Լավ գիտեին, որ եթե Սիմոնն սկսի իր հաշիվները մաքրել... ապա ոչ ոք չի ազատվելու պատժից, գուցե և մահաբեր գնդակից: Մաթևոս Դարբինյան
  3. հաղթահարել ◆ Եվ մինչև, եզրափակիչ նա հեշտությամբ հաշիվները մաքրեց մրցակիցների հետ: («Ազգ»)
  4. (ունեցած) խնդիրենրը լուծել ◆ Արևմտայն Հայաստանի հետ իրենց հաշիվները մաքրելուց հետո թուրքական հրոսակները արշավեցին...Արևելյան Հայաստանի վրա: Վահագն Դավթյան ◆ Ան կրնա իր հաղթական զենքը դարձնել Պարսկաստանի դեմ և բոլոր առկախ հաշիվները մաքրել ամբարտավան կրակապաշտին և քրիստոնյա կայսրության միջև: ՀրԱրմ ◆ Ձեռնակեր է աղջիկ-տղու դարավոր հաշիվներու մաքրագործման: («Զ»)
  5. հարաբերություններն ավարտել ◆ Իսկ մի մասն էլ փոխարենը ապտակ է ստացել ու հաշիվներն ընդմիշտ մաքրել կոլտնտեսության հետ: («ՍՀ») ◆ Ու հիմա հավաքվել են դպրոցի հետ իրենց «հաշիվները մաքրելու», կյանքի ուղեգիր ստանալու: Գրիգոր Բալասանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։