հաշիվ պահանջել

Վիքիբառարան-ից

Հայերեն դարձվածք

  1. պահանջել, որ հաշվետու լինի (լինեն), պատասխան տա (տան) ◆ Դատաքննչական օրգանները հանցագործներից հաշիվ պահանջեն, թե որտեղի՛ց են այդ դրամները։ «Եր.» ◆ Կյանքը...մի ափ օրեր է փոխ տվել՝ իր ժամանակին հաշիվ պահանջելու համար իր փող տվածից։ (Վահրամ Փափազյան) ◆ Կրնան հաշիվը պահանջել իրմե Եգիպտոսի մեջ անցուցած օրերուն։ Երվանդ Օտյան ◆ Պիտի համարձակիմ շիտակ անոր մոտենալ և օձիքեն բռնելով համար պահանջել: Մամ. ◆ Թող ընդհանուր ժողովը հիսուն և մեկ հոգիով նիստ կազմե, և բացակա գտնվող երեսփոխաններեն համար չհարցընե: ն ◆ Ընդհանուր հրամններ էր արձակում և բոլոր անդամներից իրանց գործառնությանց հաշիվն ու համարն էր պահանջում: (Պերճ Պռոշյան) ◆ Զարհուրելի բաներ են պատմում և կարծես հաշիվ ու համար պահանջում արդար երկնքից։ ԱՀ.
  2. պահանջել, որ հատուցի (հատուցեն) ◆ Նա հաշիվ է պահանջում իր խեղճության, իր քուրքի, իր կրած վիրավորանքի համար։ ԱՀ. ◆ ինքզինքը կարող մը զգար ահռելի բան մը ընելու այդ կնոջ, իր խորտակված կյանքին համարը վայրագությամբ պահանջելու անկից։ Լևոն Բաշալյան ◆ - Այս գեհենային փոթորիկեն վերապրող հայ ժողովուրդն է որ ձեզմե հաշիվ պիտի պահանջե: (Գրիգոր Զոհրապ) ◆ Էն Աստված որ ինձմե հաշիվ կը հարցնե, ես իմ հաշվիս տերն եմ։ ◆ «Ես լավ գիտեմ՝ մեղքի պարկն ո՞վա, իրանցից պետք ա հեսաբ պահանջել»: (Խաչատուր Աբովյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։