հավասարաչքով նայել նայիլ

Վիքիբառարան-ից
Jump to navigation Jump to search

Հայերեն դարձվածք

  1. խտրություն չդնել ◆ Որովհետև խեղճ կինը կը հուսար/Թե ան կը նայի աչքով հավասար / Թե՛ իր ամուսնույն, թե՛ իր խորթերուն / Եվ թե՛ գոմի իր փոքրիկ հորթերուն: (Ռուբեն Սևակ) ◆ Իր որդին բոլոր հպատակների վրա հավասար աչքով է նայում և մեկը մյուսից բարձր չի դասում: (Ղազարոս Աղայան) ◆ «Էն եմ ուզում, որ ամեն մարդու էլ հավասար աչքով մտիկ անես, մեկին ավար չանես, մյուսին խավար:» Հովհաննես Թումանյան ◆ Չէ՞ որ ծնողքին համար զավակները միևնույնն են. չէ՞ որ մի աչքով կնային նոքա յուրյանց զավակների վերա : (Միքայել Նալբանդյան) ◆ Հիմակ Թեքեյան իր բարեկամներուն և թշնամիներուն վրա մեկ աչքով կը նայի: Նշան Պեշիկթաշլյան ◆ -Նա տեխ-պերսոնալին ու բանվորներին մի աչքով էր մտիկ տալիս: (Դերենիկ Դեմիրճյան) ◆ Մենք ուզում ենք խոսել սփյուռքահայ գրականության մասին ոչ թե նրանց չնեղացնելու դիրքերից, այլ հավասար աչքով դիտելով ամբողջ մեր գրականությունը: «Աշխարհի շաբաթաթերթ» ◆ -Մեր օրենքը մեզի սորվեցուցեր է օր ամեն մարթու էլ մե աչքով աշենք: (Հասան խանի գերին) ◆ Լավին ու վատին մի աչքով չեն աշե: Արամ Ղանալանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։