հեռուն գնալ

Վիքիբառարան-ից
Jump to navigation Jump to search

Հայերեն դարձվածք

    1. չափազանցության մեջ ընկնել ◆ Ամիրյանը մեկեն լռեց, կարծես զգաց, որ բարկանում է, որ հեռուն է գնում: Ստեփան Զորյան ◆ «Այո, բայց գուցե այդ իմ համբույրը կլիներ ավելի կլիներ հեռուները գնալու նախերգանք և դու կգնայիր... Չէի՛ գնա... Կգնայի՛ր ԱբԱվ. ◆ Ես կը գոհանամ դատապարտելով, նման խնդիրներու մեջ հեռուն երթալը, լավ չէ: (Վազգեն Շուշանյան) ◆ -Էհ, պարոն, դեռ վաղ է ինձ փեսա կսնչելը. այդ շատ հեռու գնացիք: Սունդ.
    2. մի կետից այն կողմ անցնելը (առավ. ժխտ.) ◆ Սահմանադրությունը հեռու չէր գնում կրոնական և կրթական հարցերի կարգավորումից: Հակոբ Պարոնյան ◆ Սակայն իրենց համաձայնությունը ավելի հասուն չգնաց «Զարթոնք» ◆ Զարգացե՜լ է, Ֆաթի՛հ, քո Պոլիսը. / Դու նրան դժվա՛ր թե ճանաչել: / Բայց - / Կարծում ես ՝ հեռո՞ւ է գնացել / Քեզանից. / Չէ՛: Եղիշե Չարենց
    3. ավելորդ բան(եր) ասել, մեջ բերել կամ ասել ◆ -Արդյոք Խամսայի մելիքություններից չէ՞ սերում քո տոհմը.-հետո մտածեց, որ հեռու գնաց: Գրիգոր Բալասանյան ◆ Այդ տագնապի ժամանակներում զինվորի հետ շատ հեռուն գնալ՝ փոքր-ինչ դժվար էր: (Րաֆֆի)
    4. շեղվել. շիլ ճամփով ընթանալ ◆ Տեսնելով, որ այս սպանությունների ճանապարհով իր զավակը շատ հեռու պիտի գնար՝ արհեստի տվեց նրան: (Դերենիկ Դեմիրճյան) ◆ Կառավարիչն ավելի հեռուն գնաց: Նա «առաձեռն» դարձավ, սկսեց պետության հաշվին աջ ու ձախ լավություն անել: «ՍՀ»
    5. (ա/ե (բրբ․) - երթալ) առաջ շարժվել, դեպի առաջ քայլ կատարել (փխբ․) ◆ -Գրագետ լինեի, գուցե ինձնի՞ց էլ մարդ դուրս գար: Բայց լիկկայանով հեռու չես երթա: (Մ․ Սարգսյան) ◆ «Նա բյուրեղային հոգու տեր մարդ է, տաղանդավոր ժուռնալիս: Նա դեռ հեռուն կգա»: Ան. Մահարի ◆ Ինչո՞ւ, ուրեմն, միայն այս հաղթությամբ բավականանալ և ավելի հեռուն չգնալ: ԱլՇ
    6. զորանալ, խորը գնալ ◆ Չի բավարարվել պտուղը վայելելով, այլ ավելի հեռուն գնալով՝ հետաքրքրվել է...հայկական հողի ծաղկման բուն պատճառներով: «Սովետական գրականություն» ◆ -Եթե մարդավարության մասին սկսեք խոսել, կարող եք շատ հեռու գնալ, այն ժամանակ, ով գիտե, ինչեր կբացվեն: ԱլՇ ◆ Իսկ գերմանական փիլիսոփաներն ավելի հեռուն գացին. մին հայտնեց թե՝ ինչպես որ լյարդը մաղձ կը նյութե նույնպես ուղեղը՝ մտածություն: Մամ. ◆ Եվ հիրավի ինք ախործելե, թերևս չափազանց ախորժելե ավելի հեռուն գացած չէր տոքթոր Տիլպերյանի [դոքթոր Դիլբերյանի] մասին: (Գրիգոր Զոհրապ)
    7. խորանալ, բարդանալ ◆ Չեմ թողներ որ խնդիրը այդչափ հեռուները երթա: Լևոն Շանթ
    8. ապագային միտել ◆ Քայքայիչ գործողություններ կազմակերպելու մասնագետները նաև հեռուն գնացող այլ նպատակ ունեն: «Եր.»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։