հեռուն գնալ՝ երթալ

Վիքիբառարան-ից
Jump to navigation Jump to search

Հայերեն դարձվածք

  1. չափազանցության մեջ ընկնել ◆ Ամիրյանը մեկեն լռեց, կարծես զգաց, որ բարկանում է, որ հեռուն է գնում: Ստեփան Զորյան ◆ Այո բայց միգուցե աճդ համբույրը կլիներ ավելի հեռուները գնալու նախերգանք և դու կգնայիր... Չէի գնա... Կգնայի՛ր...: (Աբիգ Ավագյան) ◆ Ես կգոհանամ դատապարտելով, նման խնդիրներու մեջ հեռուն երթալը լավ չէ: (Վազգեն Շուշանյան) ◆ - Է՛հ, պարոն, դեռ վաղ է ինձ փեսա կանչելը. այդ շատ հեռու գնացինք: Գաբրիել Սունդուկյան
  2. մի կետից այն կողմ անցնել ◆ սահմանադրությունը հեռու չեր գնում կրոնական և կրթական հարցերի կարգավորումից: Հակոբ Պարոնյան ◆ Սակայն իրենց համաձայնությունը ավելի հեռուն չգնաց և...բաժանվեցան առանց արդյունքի: «Զարթոնք» ◆ Զարգացե՜լ է, ֆաթի՛հ, քո Պոլիսը. / Դու նրան դժվա՛ր թե ճանաչես: /Բայց - / կարծում ես՝ հեռու է գնացել/ Քեզանից.- / - Չէ՛: Եղիշե Չարենց
  3. ավելորդ բան ասել, մեջ բերել կամ անել ◆ Արդյոք խամսայի մելիքսություններից չէ՞ սիրում քո տոհմը.- հետո մտածեց, որ հեռու գնաց: Գրիգոր Բալասանյան ◆ Այդ տագնապալի ժամանակնեերում զինվորի հետ շատ հեռուն գնալ՝ փոխր-ինչ դժվար Ր
  4. շեղվել. շիլ ճամփով գնալ ◆ Տեսնելով, որ այս սպանությունների ճանապարհով իր զավակը շատ հեռու պիտի գնար՝ արհեստի տվեց նրան: (Դերենիկ Դեմիրճյան) ◆ Կառավարիչն ավելի հեռուն գնաց: Նա «առատաձեռն» դարձավ, սկսեգ պետության հաշվին աջ ու ձախ լավություն անել: «ՍՀ»
  5. առաջ շարժվել, դեպի առաջ քայլ կատարել (փխբ․) ◆ Գրագետ լինեի, գուցե ինձնից՞ էլ մարդ դուրս գար: Բայց լիկկայանով հեռու չես երթա: (Մ․ Սարգսյան) ◆ «Նա բյուրեղային հոգու տեր մարդ է, տաղանդավոր ժուռնալիստ: Նա դեռ հեռուն կգնա: Ան. ◆ Ինչո՞ւ, ուրեմն, միայն այս հաղթությամբ բավականալ և ավելի հեռու չգնալ: ԱլՇ
  6. խորանալ. խորը գնալ ◆ Չի բավարարվել պտուղը վայելելով. այլ ավելի հեռուն գնալով՝ հետաքրքրվել է... հայկական հողի ծաղկման բունպատճառներով: «ՍԳ»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։