հինգերորդ շարասյուն

Հայերեն դարձվածք

1. թիկունքում թշնամու օգտին գործող ուժեր (հվքկն․) ◆ Հայաստանի կոմկուսի ղեկավարությունը փաստորեն երկուսուկես տարի շարունակ հանդես եկավ Մասկվայի հինգերորդ շարասյան դերում՝ խափանելով ներքևից եկող բոլոր քաղաքական նախաձեռնությունները։ «Հայք» ◆ - Կ'ըսեն թե հինգերորդ զորասյունը ամեն տեղ լրտեսներ ունի։ ◆ - Իրար կը դիտեն կասկածանքով։ Թերևս ալ այդ հինգերորդ զորասյունին գործակալներեն մեկը մեր մեջ է։ Շառլ Ազնավուր ◆ Երևան հանեց 5-րդ զորասյունի կազմակերպություն մը և ձերբակալեց 19 անձեր, որոնք պիտի օգնեին թշնամիին՝ պատահական ցամաքահանումի պարագային։ «Զարթոնք» ◆ Այս սպիտակ ջարդի [«ձուլման»] լավագույն օգնականը սնապարծություն է, այն հինգերորդ շարասյունը, որ գործում է մեր իսկ ներսում։ Պարույր Սևակ
2. (ռազմ․) պետության ներսում թշնամական գործակալական ծառայություն կամ քաղաքական շարժման հասարակ անունը, որը արտաքին թշնամու շահերի համար վարում է քայքայիչ գործողություններ
3. (պաշտանվ․) ներքին թշնամիները՝ դավաճաները՝ հակառակորդի գործակալները

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։

• Լ.Վ. Քոթանջյան, Ս.Ե. Ներսիսյան, Հայերեն ռազմական տերմինների բացատրական բառարան, Երևան, 2006 — 408 էջ։
• Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։