ձեռքերդ դալար
Հայերեն դարձվածք
- օրհնանք է (աշխատողին) ◆ - Ձեռքերդ դալա՛ր, ուստա՛ Սարգիս, տեսնում եմ, որ իսկական վարպետ ես։ ◆ - Դարդիդ մեռնենք, ձեռքդ դալար, -
/ Քաջերն ասին Մանկան ետնուց։ (Ավետիք Իսահակյան) ◆ - Ուստա ջա՛ն, քու ձեռքը դալար կենա հա՛, որ ինձ հըմա ըսթավուր [«այսպիսի»] լավ գավազան շինեցիր։ Ազգային հեքիաթ ◆ - Հայո՛ց Մանուկ, Արև՛-Մանուկ, / Քո հույսերդ արև դառնան, / Ու ձեռքերդ կանանչ կենան, / Արքո՛վ մնաս, հարգո՛վ մնաս։ (Ավետիք Իսահակյան) ◆ - Ձեռդի կանանչ... քու սազն ու խաղ մեզի սերբազ էրին [«հմայեցին»]։ Հեքիաթ ◆ «Փա՜հ, փա՜հ, քու ձեռները կնանչի, քու մատնները պետք ա պաչել, որ էս ղայդի [«այսպիսի»] հունարի տեր ա»։ Սուլթան Մուրադ թագավորի հեքիաթը
- (ա/մ ձեռքերդ՝ ձեռքերնիդ դալա՛ր) մեկին ասում են մի գործ կատարելուց (համերգ տալուց, մեքենան սարքելու ևն.) հետո ◆ - Երեկ աղբեցի, հիմա կը փորեմ, հոգնեցա...:
- Ձեռքերդ դալար: Մատուռյան ◆ - Ձեռքերնիդ դալա՛ր, վարպետ, համերգը աղեկ մը վայելեցինք։
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։