պատասխանատվությունն իր վրայից գցել ◆ Դեռ կուրացած ժանգ արծաթից / Մատնություններ են անում, / Եվ փախչելով արդար դատից / Միշտ ձեռքերն են լվանում: Հովհաննես Թումանյան◆ -Այն ատեն որու կ'ուզեք տվեք աղջիկնիդ... ես ձեռքերս կը լվամ, կ'ելլեմ մեջեն։ Երվանդ Օտյան
(Պիղատոսի նման ձեռքերը լվանալ) մի կողմ կանգնել՝ քաշվել ◆ Այդ նշանակում է՝ մենք լվանում ենք ձեռներս, մենք չենք խառնվում։ Սուրեն Սպանդարյան◆ Եթե համոզված եք, ինչո՞ւ համար, սիրելի Հայր, այդպես դյուրին կերպով ձեռքերնիդ կը լվաք մեջեն կ'ելլեք։ (Դանիել Վարուժան)◆ Հանի՛ր, ինչ եզրակացություն որ կուզես, ընթերցող. - Պիղատոսի նման մենք լվանում ենք մեր ձեռքերն այս մութ, անհասկանալի, անիմանալի գործից։ Եղիշե Չարենց
(ձեռքը՝ ձեռք լվանալ) հրաժարվել, ձեռք քաշել ◆ -Այսօրեն սկսյալ ես իմ ձեռքերս լվանում եմ դաշնակիցների հետ ունեցած իմ բոլոր գործարքներից։ Խաչիկ Դաշտենց◆ -Ես ուզում եմ, որ Սմբատին էսօր մի տեսակ հասկացնեմ, որ ինձանից ձեռը լվանա: (Պերճ Պռոշյան)◆ Մտքներիցդ հանեցեք, ուսումնարանից ձեռքներդ լվացեք, ետ նստեցեք։ (Պերճ Պռոշյան)◆ Ուր գացեր է, որ ջուրեր, որ ցամաքներ... ինչ խղճմտությունով լվացած (է) ձեռքերը: (Թլկատինցի)◆ Նրանք էս շնորհքիցն ու մարի ֆաթիցն [«շնորհից, հմտությունից»] վաղուց են ձեռք լվացել: (Խաչատուր Աբովյան)
(ձեռքը լվանալ) հույս չտածել, հույսը կտրել ◆ Այդ աշակերտներին միշտ կարելի էր տեսնել խաղի ժամանակը, ուրիշ պարապմունքից՝ ձեռքերդ լվա՛: (Պերճ Պռոշյան)
