ձեռքերը քոր գալ

Վիքիբառարան-ից

Հայերեն դարձվածք

ձեռքերը քոր գալ 1[խմբագրել]

  1. աշխատելու, գործի կպչելու ցանկություն առաջանալ ◆ Մեզանում բավական է մի թռուցիկ հայացք նետեք պետական դաշտերին, և անմիջապես «ձեռքներս քոր կգան»: «Ազգ» ◆ Ձեռքերը դեռ քոր են գալիս. չմտնի՞ ու սկսի աշխատել։ Գրիգոր Բալասանյան

ձեռքերը քոր գալ 2[խմբագրել]

  1. (ժղ․) ծեծելու, խփելու, կռվելու, կռվի բռնվելու ցանկություն առաջանալ ◆ Նրա ձեռքերն սկսում են քոր գալ: Ու երբ նրան թվում է, թե կինը «թարս» է նայում իրեն, սկսում է նրան «դաստիարակել»։ «ՍՀ» ◆ -Ապա չե՜ս ասե, իսկապես որ կռիվ է... ես էլ կասեմ ինչո՞ւ երեկ իրիկվանից ձեռներս կքորվեն: Գուրգեն Մահարի ◆ Իմ ձեռքերը քոր են գալիս գերմանական ինքնաթիռների վրա կրակելու համար։ (Բաղիշ Հովսեփյան) ◆ Ձեռքի ափը քոր է գալիս, խանչալ է ուզում։ «Գրական թերթ»

ձեռքերը քոր գալ 2[խմբագրել]

  1. (ժղ․) իբր թե փող ստանալու՝ հարստանալու նախանշան է ◆ - Ձեռքերս քոր են գալիս, շուտով հարստանալու եմ։ ◆ Ա՜յ Թորոս, ձեռիս մեջը քոր ա գալիս: - Փող կստանաս։ Ամատ.

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։