ձեռքին նայել

Հայերեն դարձվածք

1. 1. ա/մ մեկի հույսին լինել, հույսը մեկի վրա դնել ◆ - Ձեզ պահեք, ձեր ներեսին, ձեր ձեռքին նայող երեխա ունեք։ «Գրական թերթ» ◆ Հայր մը ունի մեկե ավելի զավակներ, որոնք տան մեկ աշխատողին ձեռքը կը նային: «Զարթոնք» ◆ Այսպիսով՝ տասը չափահաս տղամարդ ընտանիքի նահապետ մեծ եղբոր երեց որդու և նորա կնոջ ձեռքին էին մտիկ տալիս: (Պերճ Պռոշյան) ◆ - Մենք ռամիկ մարդ ենք, աշխարհը մեր ափերին է նայում: «Հայաստանի Հանրապետություն» ◆ Արուսի բոլոր ազգականների աչքը նրա ձեռքին էր: (Նաիրի Զարյան)
   2. մեկին ապավինել, խնամքին կարոտել ◆ Մեր հոգատար իշխանը դու ես... Բոլորը քո ձեռքիդ են նայում: (Ակսել Բակունց) ◆ - Միջնահանդում կոլկոզի համար խմչար պիտի սարքեմ։ Հրեն սաղ կոլխոզն իմ ձեռին է մտիկ անում: (Ակսել Բակունց)
   3. (մեկի բռին նայել) մեկից մի բան սպասել ◆ Ինձ նման հարիր սարդար, խան, շահզադա նրանց ձեռքին են մտիկ տալիս: (Խաչատուր Աբովյան) ◆ Աղքատները կը սիրեին զինքը այն բարեհամբույր ու մարդասեր բնավորության համար, որով տանտիկին դռնակեն դուրս կ'ելեր՝ առանց տանտիրոջ ձեռքը նայելու: Լևոն Բաշալյան ◆ - Ամբողջ օրը սրա-նրա բռին է նայում՝ ով մի շիշ արաղ կառնի։ (Հրանտ Մաթևոսյան)
   4. ((խսկց․) մեկի բռանը մտիկ տալ) մեկից կախման մեջ լինել ◆ Կենսական ամեն մի կարիքի դեպքում ստօված էր լինում նայել նրանց ձեռքին: (Աբիգ Ավագյան) ◆ Ուզում են, որ ինքը մենակ մնա, իրենց ձեռքին նայի: Ստեփան Զորյան ◆ - Ես աղքատ չէի, ես ուրիշին ձեռքը նայող չէի։ (Թլկատինցի) ◆ - Գլավնին էլ, սուդիեքս էլ սրա բռանն ենք մտիկ տալիս...վճռում ա սա՛, կարգադրում ա սա՛: (Պերճ Պռոշյան) ◆ Ոչ մեկ ատեն օտարին ափը նայելու դժբախտությունը չէր հանդուրժած։ Հակոբ Օշական
   5. (աչքը մեկի ձեռին լինել) մեմկի ունեցածին ցանկալ ◆ Չի հանդուրժում, որ իր փոեքրիկ եգանները [«զարևմիկները»] նայում ուրիշ երեխաների ձեռին, զուրկ մնան ու զրկված։ Գուրգեն Մահարի ◆ Միասին կաշխատեն... ուրիշի ձեռին մտիկ չեն տալ, օտարի ւոնեցվածքին աչք չեն ունենալ։ Մաթևոս Դարբինյան ◆ - Քելեխ կեր տոներին, աչքդ ամենքի ձեռին: Ահ

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։