ձեռքից ձեռք անցնել

Վիքիբառարան-ից
Jump to navigation Jump to search

Հայերեն դարձվածք

  1. (պարբերաբար) իրար փոխանցել ◆ Այնուհետև հոդվածը ձեռքից ձեռք է անցել ու կորել: «Հայաստանի Հանրապետություն» ◆ Հետագայում ձեռքից ձեռք անցնելով...բերվում է Կեսարիա: «Զարթոնք» ◆ Գինիին սրվատը ձեռքե ձեռք կանցնի նորեն: Լևոն Բաշալյան ◆ Հազարավոր տոլարներ [դոլարներ], երբեմն տասնյակ հազարավոր, մեկ վայրկյանեն կանցնեին ձեռքե ձեռք: (Մեքոնյան)
  2. փոխանցել-գործածվել ◆ Հետո տվեցին ձեռքից ձեռք անցած մի «Վիլիս»: Մուշեղ Գալշոյան
  3. փոխնիփոխ գրավվել ◆ Այդ տեղերում նույնպես գյուղերն անցնում էին ձեռքից ձեռք, հաղթություններն ու պարտությունները հաջորդում էին իրար: Ստեփան Զորյան ◆ «Գնդակի պես ձեռքից ձեռք եմ անցնում... Երկու օրվա մեջ երկու անգամ գերի: Ստեփան Զորյան
  4. սիրվել, մեծ գնահատանքի արժանանալ, իրար ձեռից խլվել ◆ Բայց հանկած հայ երգիչի ձայնապնանակներն սկսեցին ձեռքից ձեռք անցնել, նրան սկսեցին սիրել ու անվերջ գովել: «Ավանգարդ» ◆ Եվ «Բագվի ձայնը»-ը, որ այժմ լավագույն թերթն է, էդ օրերում ձեռքից ձեռք էր անցնում էստեղ: Հովհաննես Թումանյան ◆ Հիմա անոր օրինակը Թեոդոսիո մեջ ձեռքե ձեռք կը պտտի: (Միքայել Նալբանդյան) ◆ Դիփյունի սւրեկան ըլիս («Արձագանք»), վուր ձեռնե ձեռ անց ըլիս կենում դիփունինը: Գաբրիել Սունդուկյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։