ճանապարհները բաժանվել

Վիքիբառարան-ից
Jump to navigation Jump to search

Հայերեն դարձվածք

    1. իրարից հեռանալ, տարբեր տեղեր՝ ուղղություններով գնալ (փխբ․) ◆ - Ավարտելուց հետո մեր ճանապարհները բաժանվեցին: Ես քաղաքացի էի, նա գյուղացի: Ն-Դ ◆ Տարիներով ընկեր էին եղած և հին ճամբաները կը բաժանվեին: Լևոն Շանթ ◆ - Ջոկվում են ճանապարհները, դու նախկին ձևով՝ դպրոց, ես՝ արհեստանոց: Գրիգոր Բալասանյան ◆ Հետագայում, թեև մեր ուղիները բաժանվեցին իրարուց, բայց ես իմ ընկերական հարաբերությունները չխզեցին մանկության անհոգ օրերի ընկերի հետ: (Ավետիք Իսահակյան) ◆ Մագալիին [Մաքալիին] հետ մեր բարեկամությունը պաղեցավ, կարծեք մեր ուղիները զատվեր էին իրամե: Պողոս Գյուբելյան
    2. տարբեր հայացքների տեր լինել՝ դառնալ ◆ - Երկուսս էլ դժգոհ ենք իրականությունից, հակառակ ենք ցարիզմին, կապիտալիզմին, բայց ինչո՞ւ են մեր ճանապարհները բաժանվում: (Ավետիք Իսահակյան) ◆ - Մեր ճանապարհները զատվում էին: - Սուտ ես: Ձեր նպատակները նույնն են, նպատակին հասանելու միջոցներն են տարբեր: (Ստեփան Ալաջաջյան) ◆ Իսկ եթե ուղիները բաժանվում են, նշանակում է հրաժեշտն էլ անխուսափելի է: «Հայաստանի ֆիզկուլտուրնիկ»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։