ճանապարհ գնալ, անցնել (+ (փխբ․)) ◆ Երեք օր ու գիշեր ճանապարհ կտրելուց հետո, վերջապես, հասան նրանք ծառերով շրջապատված ճերմակ տների։ Ստեփան Զորյան◆ Այդ ի՞նչ ահավոր ճամբա կտրած է այս տղան...Մեռյալ Ծովեն մինչև Էվերեստի գագաթը։ Սիմ ◆ Ինչպե՞ս ես դու կտրել այդքան երկար ճամփա, / Երբ նա՝ խճոտ, ու երկինքդ է եղել ամպած։ Պարույր Սևակ◆ համեմատության համար՝ Նույնիսկ քարտեսին վրա ցույց կու տար անոնց (Պասքերուն [Բասքերուն]) կոտրած ճամբան՝ Կովկասեն Պալքաններ [Բայքաններ] - Իտալիս - Սպանիա։ «Նաիրի»
ինչ-որ բան(եր) հաղթահարել ◆ Ճնշող այս մթնոլորտեն է որ դուրս եկած եմ հիմա, տաժանելի ճամբա կը կտրելով: Անդրանիկ Ծառուկյան◆ Հեյքալ կը հետևցնե որ արաբները...առանձին պետք է կտրեն պայքարի մնացյալ ճամբան: «Արարատ»◆ Ժողովրդային Չինաստան պայքարի երկար ճամբա մը ունի կտրելիք: «Զարթոնք»◆ համեմատության համար՝ Տարեգլուխ մը...հանգրվան մըն է ուր անօգուտ չէ կանգ առնել, կտրված ճամբան համեմատելու համար ճամբուն մնացածի հետ։ (Գրիգոր Զոհրապ)
կողոպտել. ավազակություն անել ◆ Երբ ղաչաղը կուշտ է լինում՝ ճամփա չի կտրվում, մարդու չի վնասում։ Ստեփան Զորյան◆ Էս գավառի բոլոր ճանապարհ կտրող ավազակների կողոպտածը նրա փորն է մտնում։ (Պերճ Պռոշյան)
