մատների արանքով նայել

Վիքիբառարան-ից

Հայերեն դարձվածք

  1. ինչպես հարկն է չգնահատել․ լուրջ չընդունել ◆ Մեծ տերություններին ակնհայտորեն մատների արանքով էին նայում Հիտլերի ագրեսիվ պլաններին, նոր ավանտյուրանների մղելով նրան։ Ռիխարդ Զորգե ◆ — Նրան շատ սիրելուս պատճառով աչք եմ փակել, մատների արանքով եմ նայել ու տունս քանդել։ (Նաիրի Զարյան)
  2. պատշած լրջությամբ չվերաբերվել․ պատշած վերաբերմունք ցույց չտալ ◆ Այդ չի նշանակում, որ մատների արանքով եմ նայել և չեմ նախապատրաստել ինքս ինձ։ (Վահրամ Փափազյան) ◆ Դժգոհում է․․․բանաստեղծական արվեստին և արհեստին մատների արանքից նայելու դիրքորոշման համար։ ◆ Նա այնպիսի կիներից էր, որոնք ամենաչնչին բանի վրա մատների միջից են նայում։ Ն-Դ
  3. անտարբերություն հանդես բերել ◆ «Պոլիկլինիկայում իմ բուժման հարցին մատների արանքով են նայում․․․ ո՛չ իրենք են բուժում, ո՛չ էլ հիվանդանոց ենն ուղարկում։» ◆ Իրար սեղմած մատների արանքով են նայում աշխատավորների կիրակնօրյա հանգստի կազմակերմանը։ ◆ — Էս խոխան ամենան պենին մըններին ղաթավն ա յիշիմ։ ◆ Քանի որ վճիռն արդեն կայացված էր, ուստի և անցուդարձին հետևում էր մատների արանքով։ Ֆրանց Վերֆել
  4. թերագնահատել ◆ Գավառապետը Համո Համբարձուվիչի հեղափոխական գործունեության վրա մատների արանքից էր նայում․․․ նրա հեղափոխական գործունեությունը համարում էր միամիտ չարաճճիություն։
  5. թողտվություն հանդես բերել ◆ -Ծածուկ քրդերին կգրգռեր հայերի դեմ և ինքը մատների միջից կնայեր գործվող բարբարոսություններին վրա։ (Րաֆֆի) ◆ -Եթե տեսնես, որ սկսեն հափշտակել հպատակներից՝ մատների միջով նայիր, ա՛չք փակիր։ Վրթանես Փափազյան
  6. արհամարական վերաբերմունք ցույց տալ, վերևից նայել ◆ Իրեն այլևս սանձարձակ հյուրի պես չէր պահում, մատների արանքով չէր նայում ժողովրդին ու նրա կյանքին։ «Գրական թերթ»


Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։