(հզվդ․) իր կամքին ենթարկել, ուզածի պես շուռումուռ տալ, քթից բռնած ման ածել ◆ -Երկու իրեք մովրով ա փոծել, ամենին էլ մատների վրա խաղացրել ա, նոխտեն [անձը] դնչներին դրած՝ ո՛ր դիհն [կողմն] ուզեցել, ձին դենն ա քշել։ (Պերճ Պռոշյան)◆ Կարողացել է մատների վրա տիկնիկի պես խաղացնել այդ գիտական հաստատություններն ու գիտնականներին։ «Գրական թերթ»◆ Եթե հոս վարպետորիդի մը գտնվի՝ ամբողջ թաղն մատի վրա կ’առնե և ամիսներով ու տարիներով կը խաղցունե։ Հակոբ Պարոնյան◆ -Ուզած ատենս, մինչև հիմա, մատներուս վրա խամաճիկի պես կը խաղցնեմ։ ԳԱճ․ ◆ Տասը մատներուն վրա խամաճիկի պես կը խաղցնե իր ձգողության ծիրին ենթակա պետութությունները։ «Զարթոնք»◆ Ու ժողովուրդը չի տեսնում նրան, / Ով իր ձեռքերում լարերը պահել, / Խաղացնում է մեզ ձեռքերի վրա, / Մեզ խեղկատակ է այսպես դարձրել։
իր հմտություններով, ճարպկությամբ գերազանցել, գետը տանել, ծարավ ետ բերել ◆ -Լա՛վ, ես քեզ ցո՛ւյց կտամ, թե ով է Գրիգոր աղան, որ հազար քեզ պես փաստաբանների է մատների վրա խաղացրել։ Վրթանես Փափազյան◆ Ցանակցած բրիգադավար․․․ կարող է մատի վրա խաղացնել, քանի որ նա գիտելիքներն անմիջականորեն կապված են արտադրության հետ։ ◆ «Ինձի Մուրադխանյան Գևորգ կըսեն, ես ատնակ տեսուչներին մեկ մատիս վրա՛ երեքը կը խաղցնեմ»։ Գուրգեն Մահարի
(ժարգ․) խաբել, մոլորեցննել ◆ Լեզվանի ու ճարպիկ՝ բոլորին մատների վրա էր խաղացնում, և չէին կարողանում բռնեցնել։ ◆ Նրանք, մատի վրա պարացնելով պահակներին, սրբեցին․․․ ծառայողական ամառանոցը։ «Ազգ»◆ «Հեշտ խաբեցին քեզ, մատների վրա ֆռռացրեց եկվոր մի աֆերիստ»։ (Ղազարոս Աղայան)
