մեկի բռան մեջ լինել
Հայերեն դարձվածք
- մեկին, նրա ուժին,ղեկավարությանը, իշխանությանը ենթակա լինել ◆ -Պարծենո՜ւմ էիր, թե «պապաշան հիմա իմ բռան մեջ է»ՍտԶ ◆ -Նոքարը կարա՞ր հակառակ խոսք ասի։ Այ ըսենց բռանս միջին էր։ Դերենիկ Դեմիրճյան ◆ Կառավարությունը վառչապետով հանդերձ պատգամավորների բռի մեջ է հայտնվում։ ◆ -Քաղաքումը բանկերն են ինձ պարտ․․․ էդ թող, սուլթաններն ու խաներն են բռումս։ (Պերճ Պռոշյան) ◆ -Տո՛, տղմար Մհեր, դու չըգիտե՞ս որ / Քո հոր բռին էր Սասունը հզոր։ (Ավետիք Իսահակյան)
- ազդեցությանը, հրապույրին ենթարկվել ◆ Բոլորն անխտիր ասմունքով վարպետի բռան մեջ էին։․․․ Ունկնդիրը․․․ ամբողջապես ենթարկվել էր այն մթնոլորտին, որ գծել էր Քոչարյանը։ Ռ
- մի բան ապահովորեն ունենալ ◆ -Մի պահ թվաց, թե գազն արդեն բռիս մեջ է․․․ ։ Անցնում է երկու տարի, իսկ բուռս դեռ դատարկ է։ Երուխան ◆ Մացակն ստացել էր այն տպավորությունը, որ Հացավանի հասարակական կարծիքը իր բռան մեջ է։ (Նաիրի Զարյան) ◆ համեմատության համար՝-Որբի լացը բռան մեջ է, երբ ուզի, կփակի,- ասում է տատս։ Սերո Խանզադյան
Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։