մեկի գլխին, գլխուն մեկուն խաղ, խաղեր, օյին, օյիններ խաղալ
Հայերեն դարձվածք
- չար կատակ անել ◆ «Զգուշացնում եմ, եթե ծուռ խաղ խաղանք մեր գլխին, դա դաժան չի նստի ձեզ վրա։» Ասաց՝ չգիտակցելով, որ իր աղջկա գլխին ծուռ խաղ խաղացողներից մեկը հենց ինքն է եղել։ «Եր․» ◆ Չափսի ժամանակ Իսանանց մեծ ախպերն ու պիսիրն [«գրագիրն»] իրար հետ փսփսում էին։ Չլինի թե նրանք մի բան խաղացին նրա գլխին։ (Ակսել Բակունց) ◆ -Գիտեր իմ քունիս ծանր ըլլալը։ ․․․ Աս խաղը խաղցավ գլխուս։ (Հակոբ Մնձուրի)
- (հզվդ․) խաբեբայություն խաղալ,(բրբ․) քյալակ խաղալ խաբել, խաղի բերել ◆ Անկե ի վեր ամեն օր կռիվ ունիմ եղբորս հետ, որ կը կարծե փե խաղ խաղցած եմ իրեն և քսան ֆրանքը առնել տված եմ։ Երվանդ Օտյան ◆ -Ադա, քո երեսի վրա մեռոն մնացել է, թե չէ․ էդ ինչ օյին էր, որ իմ գլխին խաղացիր։ Արշակ Շահնազարյան ◆ Նույնիսկ իր հարազատ եղբայրներուն գլխուն օձիք չբացված խաբեբաություններ խաղալով, յուրացված էր անոնց դրամն ալ, կալվածներն ալ։ Վահե Հայկ ◆ -Ա՜յ հա՜յ, սա մեր գլուխը հըլա շատ քյալակ կհաղա։ ◆ համեմատության համար՝ Իրեն խաղ մը խաղցուցած ըլլալու կարելիությունը հերքեր էր։ (Գրիգոր Զոհրապ)
- (գլխին խաղ անել՝ դնել,(բրբ․) գլխին՝ գլուխը օյին՝ օյիններ հանել՝ սարքել) փորձանք բերել ◆ -Վճռել են ապստամբել։ Պետք է պատրաստ լինել այստեղ։ Մեր գլխին կարող են խաղեր խաղալ։ Դերենիկ Դեմիրճյան ◆ -Այսպիսի խաղեր պիտի խաղամ անոր, որ զղջա ըրածին վրա։ Հակոբ Պարոնյան ◆ Մեկն ասաց, թե գյուղի կանայք են դրդել, որ Գյուլբահարի գլխին այդ խաղն անեն։ (Ակսել Բակունց) ◆ -Լիրբ, այդ ինչ խաղ է դրել եղբորս գլխին, իմ անուշիկ, իմ սքանչելի ու սուրբ եղբորս գլխին։ ՍտԱլ․ ◆ -Ասում ես, թե առիթ չես տա, որ դժգոհ մնա քեզնից։ Շատ բարի․ հիմա առիթ տվիր, որ այն օյինները խաղաց գլխիդ։ Ն-Դ ◆ -Դեռ դու էլ վախեցի, մի օր քո գլխին էլ մի օյին չբերի։ (Պերճ Պռոշյան) ◆ -Մեկ էլ կտեսնեք, այնպիսի օյին կհանի ձեր տիկնոջ և իմ ու ձեր գլխին։ Ն-Դ ◆ -Արի, սրան մի դհով անեմ [«մի կողմ քշեմ»], էթա, թե չէ սա իմ գլուխը մի օյինի կհանի։ ◆ -Ես իմացել եմ, թե դուն ինչ օյիննի ես հանըմ Եներալի գլխին, իմ սրտիցն ես ջուր խմըմ։ ◆ -Ախր դրանք կռվողներ չեն, Արամը օյին է սարքել մեր գլխին։ ՍտԱլ․
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Ակսել Բակունց
- Քաղվածք/Հակոբ Մնձուրի
- Հայերեն հազվադեպ գործածությամբ բառեր
- Հայերեն բարբառային բառեր
- Քաղվածք/Երվանդ Օտյան
- Քաղվածք/Արշակ Շահնազարյան
- Քաղվածք/Վահե Հայկ
- Քաղվածք/Գրիգոր Զոհրապ
- Քաղվածք/Դերենիկ Դեմիրճյան
- Քաղվածք/Հակոբ Պարոնյան
- Քաղվածք/Պերճ Պռոշյան
- Բառեր «Հայերեն դարձվածքների ընդարձակ բացատրական բառարան» գրքից