մեկի գլխի նստել
Հայերեն դարձվածք
- իշխանություն բանեցնել ◆ -Որ ուսում առած, կարդացվոր ըլի, պտի մեր գլխին նստի՞: Վրթանես Փափազյան ◆ «Խումբերը» էն սարերում դիրք են բռնել և ուզում են իրենք ժողովրդի գլխին նստած մնան։ Մաթևոս Դարբինյան ◆ Ի՞նչ է, փլանը փուղ ունե, ասում է, ու դիփունանց գլխին պիտի նա ըլի նստած, կօսե։ Գաբրիել Սունդուկյան ◆ -Թո՛ղ գլխիդ նիլնեն, մարդ էլ որ խոսա, բերնին արի։ (Պերճ Պռոշյան)
- վերին դիրք բռնելով՝ ներողություն տալ ◆ -Ես էլ որ սուս եմ կենում, դուք էլ ջլիս [«լրիվ»] գլխիս եք նստում: (Պերճ Պռոշյան)
- ծանրություն՝ բեռ դառնալ ◆ -Իսկ ա՛յդ...ա՛յդ աղջիկը, այդ քսմսվածը, շա՞տ պիտի ձեր գլխին նստի: Իր համար ման է գալիս, իսկ դու նրա գործն ես անում։ Ավագյան
- (բրբ․) ներողություն տալ ◆ -Է, ինչ ըրավ չոճուխը [չոջուխը] գլուխնուս ելավ նստավ: Հակոբ Պարոնյան ◆ -Էլար, թեփիս նստար: Կարին-Ախալքալաք
- (արևմտհ․) ճնշել. կեղեքել ◆ Դրանք բռնակալներ են եղել պատմության մեջ և նստել ժողովրդի գլխին: (Լեո) ◆ -Ասա իմ հող աշխարհք է ուզում պոկի, գլխիս նստի, գերի ստրուկ շինի։ Դերենիկ Դեմիրճյան ◆ -Մի"թե Օշին Պայլը հավիտյան այսպես նստելու է մեր գլխուն: Լևոն Շանթ ◆ Ազատություն և ամեն բան ունեի միայն ձեր գլխուն վրա նստող սյուլիկները [«տզրուկները»], ցոլուն կոճակներով արուն ծծողները։ Ալեքսանդր Մյասնիկյան
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Վրթանես Փափազյան
- Քաղվածք/Մաթևոս Դարբինյան
- Քաղվածք/Գաբրիել Սունդուկյան
- Քաղվածք/Պերճ Պռոշյան
- Հայերեն բարբառային բառեր
- Քաղվածք/Հակոբ Պարոնյան
- Քաղվածք/Լեո
- Քաղվածք/Դերենիկ Դեմիրճյան
- Քաղվածք/Լևոն Շանթ
- Քաղվածք/Ալեքսանդր Մյասնիկյան
- Բառեր «Հայերեն դարձվածքների ընդարձակ բացատրական բառարան» գրքից