մեկի երես չտեսնել
Հայերեն դարձվածք
երես չտեսնել 1
[խմբագրել]- մեկից զուրկ, զրկված լինել ◆ Որդեկորույս մայրեր կան, հոր երես չտեսած երիտասարդներ, սեր ու մայրություն չճաշակած պառավող աղջիկներ։ (Մ․ Սարգսյան)
- մեկին չհանդիպել, հանդիպելու առիթ չունենալ ◆ -Չիյտեմ, աղջիկս, ո՞վ գիտե, ո՛ւր գացեր են. ասկե ելլալնուս պերի իրարու երես տենա՞նք: Եր.
երես չտեսնել2
[խմբագրել]- մի բանից զրկված՝ զուրկ մնացած լինել ◆ Եվ անտառից նեխահոտ էր գալիս, ինչպես քամու և արևի երես չտեսնող նկուղից։ Ստեփան Զորյան ◆ -Այս քանի՜ ժամանակ է, ինչ թեյի երես չեմ տեսել: Ն-Դ ◆ -Խեղճերը ամբողջ երեք տարի ճերմակ հացի երես տեսած չէին։ Անդրանիկ Ծառուկյան ◆ Կենջօրես մինչ այժմ ժիր աշխատեցա, / Ու կուշտ-փոր հացի երես չի տեսա: Ռափայել Պատկանյան ◆ -Ամեն օր լեղանո՞ւմ էիր գետումը. ա՜խ, էստեղ չեն թողնում, որ մարդ ջրի երես տեսնի: (Րաֆֆի) ◆ Գրեթե ծերացած էր առանց գոնե երեսը տեսնելու այն երջանկության…: (Գրիգոր Զոհրապ) ◆ -Աղեկ օրի երես չտեսա։ (Գրիգոր Զոհրապ) ◆ Եթե Ազգային Ժողովին որոշման սպասեին՝ անդիի աշխարհին մեջ պիտի տեսնեին ալյուրի երեսը: Հակոբ Պարոնյան
- մի բան բոլորովին չունենալ ◆ Լույս ընկած օրից՝ մեզանից ոչ մինը հատ կոպեկի երես չի տեսել: (Պերճ Պռոշյան) ◆ Սուրբ ազատամարտին տվեց ամեն ինչ, անելով անգամ անհնարինը՝ Հովհաննես Իսակովի նման նշանավոր ծովակալ ծնելով իր՝ ջրի երես չտեսած, քարքարոտ հողից։ (Գևորգ Էմին) ◆ Ամսականի երես չտեսած պաշտոնյան կը խորհե՞ր անոնց կռնակեն հանվելիք եղին։ Հակոբ Օշական
- մի բանի մասնակցություն փորձառություն և այլն չունենալ ◆ Մտածում էր Շավարշը,-հայեր են գեշ,/Այլասերված հայեր, ռսացած- ո՛չ/Կռվի երես տեսած, ոչ կռվի ահ։ Եղիշե Չարենց
- մի տեղ գնալու, մի տեղում լինելու հնարավորությունից զրկված, ցանկությունից զուրկ լինել ◆ -Թող արևները խավարեն, որ էլ մեր հողի երեսը չտեսնեն: ԱՀովս. ◆ Օրերով ու շաբաթներով տան երես չէր տեսնում, մորը չէր նայում։ Ն-Դ
- մի տեղ հաճախած (ու նրա բարիքներից օգտված) չլինել ◆ -Դպրոց... Ո՞վ է տեսեր դպրոցին երեսը: Երկրորդ դասարանի կիսուն քաշեցին դպրոցեն։ ԽԱմ ◆ Զավվակները նետեցին հասակ, դարձան պատանի՝ առանց հայկական վարժարանի մը երեսը տեսած ըլլալու: Վահրամ Մավյան ◆ Հազարից մեկ անգամ ժամի երես չէր տեսել: (Խաչատուր Աբովյան) ◆ -Մի շաբաթ է կինոյի երես չես տեսել, կինո գնա։ (Վարդգես Պետրոսյան) ◆ Իմ պապս դատարանի երես չէ տեսած, ես ալ չպիտի տեսնամ: Վահե Հայկ
- մի բան օգտագործ(վ)ած՝ մի բանիտց օգտված չլինել ◆ Թախտի վրա մնացածը մի կակատած կոտյում էր, մի արդուկի երես չտեսած կոստյում։ (Լեռ Կամսար) ◆ -Մազերս կտրելու ստակ չունիմ անգամ. ամիսներով բաղնիքի երես չեմ տեսած: (Ավետիք Իսահակյան) ◆ Թեև դեմքը թուխ էր, ճակատի ու գլխի մաշկը սպիտակ էր՝ այնքան սպիտակ, որ կարծես ծնված օրից արևի երես չէր տեսել: Բենիկ Սեյրանյան
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Մկրտիչ Սարգսյան
- Քաղվածք/Ստեփան Զորյան
- Քաղվածք/Անդրանիկ Ծառուկյան
- Քաղվածք/Ռափայել Պատկանյան
- Քաղվածք/Րաֆֆի
- Քաղվածք/Գրիգոր Զոհրապ
- Քաղվածք/Հակոբ Պարոնյան
- Քաղվածք/Պերճ Պռոշյան
- Քաղվածք/Գևորգ Էմին
- Քաղվածք/Հակոբ Օշական
- Քաղվածք/Եղիշե Չարենց
- Քաղվածք/Վահրամ Մավյան
- Քաղվածք/Խաչատուր Աբովյան
- Քաղվածք/Վարդգես Պետրոսյան
- Քաղվածք/Վահե Հայկ
- Քաղվածք/Լեռ Կամսար
- Քաղվածք/Ավետիք Իսահակյան
- Քաղվածք/Բենիկ Սեյրանյան
- Բառեր «Հայերեն դարձվածքների ընդարձակ բացատրական բառարան» գրքից