մեկի թրի տակով անցնել

Վիքիբառարան-ից

Հայերեն դարձվածք

  1. մեկին նրա ուժին ենթարկվել, իր ենթակայությունն ընդունել ◆ Այսուհետև բոլորը պետք է իր թրի տակով անցնեն, եթե նույնիսկ յոթանասուն տարեկան լինեն կամ ավելին։ Ֆրանց Վերֆել ◆ Դավիթ նման և ըմբոստ՝ ձգտեցինք չանցնել բյուր մելիքների կեռ թրի տակով։ «Կանչ» ◆ -Չէ, ասավ Մելիք, քու ամբողջ ազգով / Անց պիտի կենաս իմ թըրի տակով, / Որ էգուց-էլօր, ինչ էլ որ անեմ, / Ոչ մի սասունցի թուր չառնի իմ դեմ։ Հովհաննես Թումանյան ◆ Էստեղից-էնտեղից քրդեր եկան թրիս տակով անցկացա, միացան իմ խմբին ու ես դարձա ցեղապետ (Վախթանգ Անանյան) ◆ Բոլորն էլ կածես հենց նոր են անցել պարոն Սարգիս թրի տակից ու հպատակության զանազան արտահայտություններ առած՝ շարվել են սեղանի շուրջը։ Սիլվա Կապուտիկյան
  2. խիստ ներգործության ենթակա դառնալ ◆ Այս ամենի փոխարեն այսօր բժիշկները հապշտապ լիցենզավորման թրի տակով անցնելով են զբաղված։ Հովհաննես Հովհաննիսյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։