մեկի հետ խաղալ
Հայերեն դարձվածք
- թեթև վերաբերվել, լուրջ չվերաբերվել՝ չընդունել ◆ -Ի՞նչ ես անում, ա՛յ անգետ, / Խաղ ես անում ծառի հետ, / Կչորանա արևից։ (Աթաբեկ Խնկոյան) ◆ -Դուն Ֆրանսայի՞ն հետ կը խաղաս, թող մեյ մը Գերմանիո դասը տա։ Արմեն Դարյան ◆ Բարեկամ, ինչու՞ խնդիրը կերկնցնեք․ ես չեմ թույլատրում որ ինծի հետ երկար բարակ խաղ ընեք։ (Դանիել Վարուժան)
- խաբել (փորձել) ◆ -Ինծի հետ խաղա՞լ․․․ Ծո ինծի հետ խաղցողը [տահա «դահ»],դեռ մորը փորեն․․․ Արմեն Դարյան
- թեթևամտորեն վտանգի ենթարկել ◆ (Այդպիսի) մարդիկ իրենց վարքագծով առաջինն իրենց հեղինակության հետ են խաղում։ (Սովետական Հայաստան) ◆ Տաճկահայերի կյանքի հետ խաղ է անում Եվրոպան, / Պիղատոսի վճիռ կուտա խփելով յուր աչքերը։ (Ջիվանի) ◆ Գձուձ հաշիվներով․․․ կը խաղան Աերո Ֆլոթի պես փառավոր ընկերության մը վարկին հետ։ Անդրանիկ Ծառուկյան
- թեթև վարմունքի առարկա դարձնել ◆ -Բայց նորից սիրել նրան, ով խաղում է ուրշի նվիրական զգացումների հետ․․․ ավաղ, սինյորա, ես չեմ կարող։ Ն-Դ ◆ Մեկը խաղցավ Վահանի խելքին հետ, Վահանն ալ խաղցավ Նահապետի զգացումներուն հետ։ Արմեն Դարյան
- վայրիվերո օգտագործել․ չարաշահել ◆ ՈՒնենք երգի հմուտ վարպետ, / Խաղ է անում հանգերի հետ․․․ Գրում այնպես բարձր ու վսեմ, / Թե հասկանաս՝ ղոչաղ կասեմ։ Հովհաննես Թումանյան ◆ Ի՞նչ ողբալի կերպով բառերու հետ խաղցողներ ենք։ ◆ Ամեն չարիք գործելու ատակ [«ընդունակ»] եղողները չկարծեն թե անպատիժ կրնան խաղալ իր սրբություններում հետ։
- տևաբար մի բանով զբաղվել, մի բան գործածել ◆ Ամենուրեք հայք քաջ ԶԻՆԱՊԱՀ են, զենքեր ձեռք կբերեմ, վառոդի հետ կխաղան։ (Պերճ Պռոշյան) ◆ Արյան հետ խաղացող մարդը այժմ ղբաղված է երկրի [«հողի»] մշակությունով։ (Րաֆֆի) ◆ Գիտե՞ս, սիրելիս, այսպիսի վիճակի մը մեջ որչափ անտանելի բան է ամեն օր առևտրական կնճռոտ գործերով զբաղիլ, թվանշաններու հետ խաղալ, պատասխաններ տալ առնել։ Եր ◆ Օրրանեն նոր իջած մանուկն անգամ․․․ խաղալեն խնդալեն վարժատուն կը վազե- գիրերու, թիվերու հետ կը խաղա, բա՛ն կը սորվի։ Բենիամին Նուրիկյան
Աղբյուրներ
[խմբագրել]Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։