մեկի սիրտը խռովել

Վիքիբառարան-ից
Jump to navigation Jump to search

Հայերեն դարձվածք

  1. հուզել ◆ Իսկույն մի խորին, անբացատրելի զգացմունք սկսեց խռովել նրա սիրտը: (Րաֆֆի)
  2. խռովք պատճառել ◆ Թե՞ (պատմե) միայն այն, ինչ որ կարող է գոհացնել նրա հետաքրքրությունը, առանց, սակայն, նրա սիրտը խռովվելու: (Մուրացան) ◆ Ոհ, կարծես թե նե երկնային / Զըվարթուն [«հրեշտակ»] մէր վար իջած՝ / Լույս սփռելու, սեր բուրելու, / Խըռովելու սրտերն այրած: Պետրոս Դուրյան ◆  համեմատության համար՝ Ահ, թող երթա ու չնայեմ ետևեն, / Թող հանդարտի սիրտիս խռովքը տարտամ / Եվ աշխարհի մեջ հավիտյան զինք մոռնամ: (Վահան Թեքեյան)
  3. գրգռել, վրդովել ◆ Գարեգինը օրը մի քանի անգամ հավաքում էր իշխաներին և խոսում իրենց անելիքների մասին, որով և ավելի էր խռովում Արսենի սիրտը: Դերենիկ Դեմիրճյան ◆ Ու արգելք ալ կար, պաշտոնյաներու շրջանակին՝ խռովելու փափուկ սիրտերը դիվանի պեյերուն, էֆենտիներուն [բեյերուն, էֆենդիներուն]: Երվանդ Օտյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։