մեկի օրերը հաշված են
Հայերեն դարձվածք
- մահը մոտ է ◆ 57 տարեկան էր մեռնող գրողը, և օրերը հաշվված էին, բայց չէր ուզում մահվան մասին մտածել անգամ։ «Հայաստանի Հանրապետություն» ◆ -Իմ օրերը հաշված են, սիրելի Աբաս, ես պիտի հեռանամ աշխարհից։ (Մուրացան) ◆ -Կեցած տեղը (հիվանդանոցը) ձրի է ըսին, և իր օրերը համրված են։ Բենիամին Նուրիկյան ◆ -Արդեն ձեր ապրելիք օրերը համրված են: Ձեր բոլորի վզերը պիտի կտրենք։ Լևոն-Զավեն Սյուրմելյան ◆ «Չես կարող, մի աշխատիր... քեզ հաշված օրեր են մնացել»։ Մուշեղ Գալշոյան ◆ Քրդի օրերը համարած էին. Գարեգնի գնդակը շեշտակի ծակեց պարծենկոտ քաջի կրծքատախտակը։ (Պերճ Պռոշյան) ◆ - Իմ օրերս համբրած են, էսօր, էգուց, թե մի ամսից, երկու ամսից, չեմ կարող ասել։ (Պերճ Պռոշյան) ◆ Եվ հաշված են թույնով լեցուն / Սակավ ժամերը կյանքիս։ Հովհաննես Թումանյան
- վախճանը մոտ է ◆ - Իջևանի գծով շարժվում է Կարմիր բանակը...: Սրանց օրերն ու ժամերը հաշվված են։ Գուրգեն Մահարի ◆ Մի շաբաթ հետո ձայներ լսվեցին, թե պաշտպանության մինիստրի օրերը հաշված են։ «ՍՀ» ◆ Կարելի է համարել կատարյալ խղճի քննությունը «օրերը համրված» սերունդի մը։ Անդրանիկ Ծառուկյան
համեմատության համար՝ ◆ Սերը շյուղինն է մշտերեր, / Զի համրված են իր օրեր։ (Ռուբեն Սևակ)
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/«Հայաստանի Հանրապետություն»
- Քաղվածք/Մուրացան
- Քաղվածք/Բենիամին Նուրիկյան
- Քաղվածք/Լևոն-Զավեն Սյուրմելյան
- Քաղվածք/Մուշեղ Գալշոյան
- Քաղվածք/Պերճ Պռոշյան
- Քաղվածք/Հովհաննես Թումանյան
- Քաղվածք/Գուրգեն Մահարի
- Քաղվածք/Անդրանիկ Ծառուկյան
- Քաղվածք/Ռուբեն Սևակ
- Բառեր «Հայերեն դարձվածքների ընդարձակ բացատրական բառարան» գրքից