մեջ ընկնել
Հայերեն դարձվածք
- խառնվել մի բանի, երբ չեն հրավիրում, միջամտել, ընդհատել, ընդմիջել, խանգարել ◆ Նա մեջ է ընկնում տեղի անտեղի: Եղիշե Չարենց ◆ Իշխան Նիասամիձեն պահանջեց «լեկուրի» և չեքրզկի փեշերը հետ ծալելով, մեջ ընկավ իր լայնածավալ միրուքով: (Շիրվանզադե) ◆ Քո սերնդի կյանքը իմ սերնդի համար լավ դաս է... Ափսոս որ պատերազմը մեջ ընկավ... մենք ձեզ նման չենք ապրի: (Անահիտ Սահինյան) ◆ Այ մարդ, հանգիստ խուսում էինք, եկար մեջ ընկար:
- ընդհատելով (խոսքը)՝ միջամտել, վրա բերել ◆ Նա մեջ էր ընկնում, հանպատրաստից ճառ էր արտասանում։ (Խաժակ Գյուլնազարյան) ◆ —- Ոչինչ չեմ թաքցրել․․․-– Դեռ հարց է, չե՞ս թաքցրել, -– նորից մեջ ընկավ իշխանուհին։-– Անկարելի է պարոն,-– մեչ կիյնա կինը ավելի հուզված։ ՎՄ ◆ Խոսքը քրոջից խլելով, մեջ ընկավ խարտյաշ տղան: (Հրաչյա Քոչար)
- խառնվել մի գործի, միջամտել, մասնակցել մի բանի ◆ Պառավ դեդին դողդողալով մեջ ընկավ, աշխատում էր ետ քաշի կատաղած որդուն: Հովհաննես Թումանյան ◆ Իմաստասիրական այս զրույցը խորացավ այնքան, որ մյուսները ևս մեջ ընկան և սկսեցին տրամախոսել: Դերենիկ Դեմիրճյան
- մեջտեղ գալ ◆ Բայց նա չէր խանգարում այն իդեոլիական զրույցին, որ հետզհետե մեջ ընկավ:ԴԴ ◆ Ախր Ափրեն որ օրվա վարպետն է, որ թևերը քշտած մեջ է ընկել։ Մուշեղ Գալշոյան ◆ Ուրկե ուր, մեջ ընկավ չեչոտ Կարպիսը։ Անդրանիկ Ծառուկյան
- միջամտել, իբրև միջնորդ հանդես գալ ◆ Այս ու այն կողմից մարդիկ էին մեջ ընկնում և հաշտեցնում։ (Ակսել Բակունց) ◆ Գեղականը մեջ ընկավ, տերտերին համոզեց, որ վճռած տուգանքի կեսը վերցնի։ Մաթևոս Դարբինյան ◆ Իրենց վիճաբանությունը ի վերջո կռվի պետի հանգեր, եթե դուռ դրացի մեջ չիյնային: ◆ Քանի մարթ մեչ ննգան, քանի տերտեր մեչ գցեցին, սրանց բարիշելու չարա [«ճար»] չէլավ։
- մի որևէ վիճակի` դրության մեջ լինել ◆ Սամվելը մտածության մեջ ընկավ: (Րաֆֆի)
Թարգմանություններ
[խմբագրել]| Թարգմանություններ | |
Աղբյուրներ
[խմբագրել]- Էդուարդ Բագրատի Աղայան, ընկնել Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, ընկնել Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, ընկնել Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, ընկնել Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
Կատեգորիաներ:
- Հայերեն դարձվածքներ
- Քաղվածք/Եղիշե Չարենց
- Քաղվածք/Շիրվանզադե
- Քաղվածք/Անահիտ Սահինյան
- Քաղվածք/Խաժակ Գյուլնազարյան
- Քաղվածք/Հրաչյա Քոչար
- Քաղվածք/Հովհաննես Թումանյան
- Քաղվածք/Դերենիկ Դեմիրճյան
- Քաղվածք/Մուշեղ Գալշոյան
- Քաղվածք/Անդրանիկ Ծառուկյան
- Քաղվածք/Ակսել Բակունց
- Քաղվածք/Մաթևոս Դարբինյան
- Քաղվածք/Րաֆֆի
- Բառեր «Արդի հայերենի բացատրական բառարան» գրքից