ամբողջովին․ խորապես․ սաստիկ (կարմրել, սիրահարվել, մի բանի մեջ խրվել ևն․) ◆ Երբ տանտիրուհին ավելուկը դնում է կողովը՝ բողկերի վրա, նա չգիտես ինչու կարմրում է մինչև ականջները և աչքերը գցում գետին։ Ստեփան Զորյան◆ Եփրեմը խորապես մեղավոր զգաց իրեն ու մինչև ականջների ծայրը կարմրեց ամոթից։ Պերճ Զեյթունցյան◆ Անդիմադրելի տաքություն մը կ'այրեր իր ամբողջ մարմինը, աչքերը կը մթագնեին ու դեմքը սկսած էր կարմրիլ մինչև ականջներուն ծայրերը։ ԱվԱլ․ ◆ Նրանք իրենք են կեղտոտվում այն ցեխով, որի մեջ մինչև ականջները խրվել է Շչարանսկին։ «ՍՀ» ◆ Գրվածքը․․․հավանեցի, ոնց որ ասում են, մինչև ականջներս։Գուրգեն Մահարի◆ Կը թռի պատրաստի քամակին ու կը սուզվի մշուշին ծոցը, զինված մինչև «ականջին վրանները» Օշ․
