մի բաժակ ջուր խմելու պես

Վիքիբառարան-ից

Հայերեն դարձվածք

  1. շատ հեշտ ու հասարակ (կատարվող) բան է ◆ Հիմա էլ ընկերոջս ծեծելն ինձ համար մի բաժակ ջուր խմելու նման հեշտ էր։ (Խաժակ Գյուլնազարյան) ◆ Ավետարանից կամ Աստվածաշնչից գլուխ-գլուխ բերան սերտելը ինձ համար մի գավաթ ջուր խմելու պես մի բան էր։ Ռափայել Պատկանյան ◆ Եվ ես գավաթ մը ջուր խմելու պես պիտի կարգադրեի հիմա։ Գավաթ մը ջուր խմելու պես: Հրաչ Զարդարյան ◆ Պարզապես մի սովորական թեթևամիտ, որի համար ընտանիք քայքայելը, երեխաներ որբացնելը մի բաժակ ջուր խմելուց էլ հեշտ է: Երեկոյան Երևան ◆ Գավաթ մը ջուր խմելու չափ հեշտությամբ կրնամ մեռնիլ, ուրախ, երջանիկ։ Մատթեոս Զարիֆյան ◆ (Նրա) համար տասնհինգ հազարանոց կոթող կանգնեցնելը մի բաժակ ջուր խմելուն հավասարարժեք գործողություն է։ Ա Հովհաննիսյան ◆ Հավլաբար թաղերում էի պտտվում, ուր հոր հոգին հայհոյելը ջուր խմելու պես հասարակ բան էր։ (Ալեքսանդր Ծատուրյան) ◆ Հասկանում է, որ ոչնչացնել ամենքին (գյավուրներին) միևնույն է, թե մի բուռ ջուր խմել: (Լեո) ◆ -Քեզ համար ոնց որ մի կում ջուր կուլ տալ՝ դժվար չի ամեն տեղ նստել, ասել, որ Սոնին սիրում ես։ (Պերճ Պռոշյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։