մի բանի վրա թքա՛ծ

Վիքիբառարան-ից
Jump to navigation Jump to search

Հայերեն դարձվածք

  1. այսինչ բանն արժեք՝ նշանակություն չունի◆ -Բայց կամաց, մի բորբոքվիր, թքած մեքենյաի վրա, մեզ ոչինչ պետք չէ: (Վարդգես Պետրոսյան) ◆ Իսկ որոշ երախտամոռ զվակներ, թքած ունենան քո այս դեպքում կես, իսկ այլ դեպքերում՝ տասնյակ, ...-ավոր և ...-ավոր միլիոնների վրա: «Հայք» ◆ -Ի՞նչ էր ուզում քեզնից գավազանը, վաթսուն տարվա հիշատակը: ◆ -Թքա՜ծ մեջը: (Դերենիկ Դեմիրճյան) ◆ -Ինչպե՜ս տաղտակլի, անհամ ու տափակ, փուչ են թվում ինձ / Աշխարհի բոլոր վայելչանքները: Թո՜ւհ դրանց վրա: (Շիրվանզադե) ◆ -Թքած իրա իրեք մանեթի վրա, քշում ա, քշի: ◆ «Թքա՛ծ, փողն ինձ համար նույնն է, ինչ աղբը, շան լափը»:
  2. կարևորության չեմ (չի...) տալիս, բանի տեղ չեմ (չի...) դնում ◆ Քշում, անցնում էին խրամատները, թքած ամեն ինչի վրա: ◆ «Դուք ուզո՞ւմ եք իմանալ իմ կարծիքը: Ես թքել եմ ձեր կարծիքի վրա»: ◆ Մեկ է, տեսնող չկա: Թքած թե սա հասարակական վայր է: Եր
  3. այսինչ բանն ինձ (նրան...) բոլորովին պետք չէ (անպետքություն է) ◆ -Ու ինքս ինձ ասացի՝ թքած էն հրացանի վրա, որ իմ սիրած կենդանու կյանքը խավարեցնելով եմ պահելու: (Վախթանգ Անանյան) ◆ Բայց թե ձեռքերդ շահ չունի Հայաստան, / Թքել եմ քու ալ, ձեռքիդ ալ վըրան: Ռափայել Պատկանյան ◆ -Ես և ընկերներս օգնության պետք չունինք, մենք թքել ենք իրենց օգնության վրա, այդ օգնությունը թո՛ղ ձեզի պեներուն ընեն: Երվանդ Օտյան ◆ Ինձ կիսամեռ-կմախք անելուց հետո, / Թքել եմ տված պարգևիդ վրա: (Ջիվանի) ◆ Երևի հիմա, դռնեդուռ ընկած, նոր տեր է փնտրում իր համար, նոր սանիկ: Թքած: Պերճ Զեյթունցյան
  4. մի բանի՝ մեկի նկատմամբ ◆ -Իսկ եթե ժողովրդի մեջ կգտնվի սրբության վրա ստվեր ձգողներ, թքե՛լ եմ նրանց բոլորի վրա: (Պերճ Պռոշյան) ◆ -Այդ դեպքում թքում եմ այդ մարդու նախատինքների վրա: (Շիրվանզադե) ◆ Մենք թքած ենք Ժան Ժաք Ռուսոյի վրա...որ ծեր կնոջ մը հետ կը պառկեր՝ հանուն սիրո...: Թքած նաև Վոլթեռի վրա, այդ ծամածուռ ծերունիին: (Վազգեն Շուշանյան) ◆ Թքեր եմ անոր սուտ ու խաբեպատիր կրոնքին վրա: ◆ -Թքեմ հարստությունի միջին, մարդիս համար փողն ու հողը մին ա: (Պերճ Պռոշյան) ◆ Սուտ սիրեմ, անլի պագնեմ, էդպես սիրուն մեջը թըքնեմ: Արամ Ղանալանյան ◆ Նոր պոետ ծնվի որ մի: / Թքած թե թերթերի վրա / Իշաբար շարեն Ողորմի: Եղիշե Չարենց ◆ -Ես Արթուրին, իհարկե, վաղը մի լավ դաս կտամ, բայց առհասարակ թքած: (Վարդգես Պետրոսյան)
  5. մի բանի նկատմամբ անտարբեր վերաբերմունք ունեմ ◆ Հավատացեք իմ դառը փորձին, քաղբյուրոն թքած ունի ողբերգական կացության ձեր մտահոգությունների վրա: «Հայաստանի Հանրապետություն»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։