մի բարձի ծերանալ

Վիքիբառարան-ից

Հայերեն դարձվածք

  1. (կյանքը մեկ բարձի վրա անցնիլ) մինչև օր ծերություն անբաժան ամուսնական կյանք վարել ◆ -Ես քեզ հավատարիմ ամուսին կլինեմ և մի բարձի էլ կծերանանք: (Լեո) ◆ Բաժակ էին բարձրացնում, խոսում էին մի բարձի ծերանալու մասին: (Խաժակ Գյուլնազարյան) ◆ Թորիկ Օվան և Նունիկ պաճի [բաջի], մեկ բարձի վրա ծերացած երկու ծերեր, հիմա զատ-զատ կ’ապրեին: ◆ Այսպես ահա, ավելի քան կես դարու մեկ անկողնի մեջ ու մեկ բարձի վրա անցնող իրենց ամուսնական կյանքը կընդհատվեր հոս ու կ’երկճղեր: (Ավետիս Ալիքսանյան) ◆ Անգլիա Ֆրանսիա, որ այսօր մեկ բարձի կը ծերանան, եթե նոր նավթի տեղ մը գտնեն, հասցեն կը հայտնեն իրարու: (Լեո)
  2. (ժող. մի՝ մեկ բարձի վրա ծերանանք, (արևմտհ․) Աստված Տերը մեկ բարձի (վրա) ծերացնե) մաղթանք է նորապսակներին ◆ «Պապիս օրհնանքը թող հալալ լինի ձեզ, մի բարձի ծերանաք, առանց ծերանալու»: Գրիգոր Բալասանյան ◆ -Ասպած քեզի երկան արև տա Երանոս որդի,- սկսեց օրհնել ծերը,- ջուխտ ապրիս, մե բարձի ծերանաս: (Մկրտիչ Արմեն) ◆ Պառավը կը գտնե ուժ ըսելու,- Առջի սե՛ր առջի բարի: Մեկ բարձի ծերանաք: Հակոբ Օշական ◆ -Մեկ պարցի վրա ծերանաք, զավակներս ,- ըսավ Հովակին մայրը, հանդիսավոր ձայնով: ◆ -Աստված մեկ բարձի վրա ծերացնե, Սոնա Թնկըրյան ◆ -Աչքդ լոս, Ակո՛բ, Տերը մեկ բարձի վրա ծերացնե,-կը պոռար հաարսնևոր մըն: Սոնա Թնկըրյան ◆ Մեկ բայց վիյո վելեք:

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։