մի տեղի ճանապարհը բռնել

Վիքիբառարան-ից
Jump to navigation Jump to search

Հայերեն դարձվածք

  1. դեպի մի տեղ ճանապարհ ընկնել ◆ Շուկայից դուրս եկան ու բռնեցին բերդ տանող ճանապարհը: Սերո Խանզադյան ◆ Բռնեց կամավոր գաղթի ճանբան և եկավ Ֆրանսա: «Աչխ» ◆ Մանթաշի ճամբան բռնեցի նորեն. կուզեի արտը երթալ: Հակոբ Օշական ◆ - Շաբաթը չեղած Հայաստանու ճամբան կառնունք: (Ծերենց) ◆ Անցնում էր Նաիրի վրայից, / Բռնել էր Բաղադի ուղին: Զ ◆ Զարդարյանը բռնում է տարագրության ուղին, մեկնում Ֆրանսիա, այնտեղից՝ Ամերիկա: «Հայաստանի Հանրապետություն» ◆ - Եվ մենք այդ հաջողությամբ էլ Ոզմից դուրս գալով՝ բռնեցինք Մոկսի կածանները: (Խաչիկ Դաշտենց)
  2. դեպի մի տեղ ուղղություն վերցնել. քայլերն ուղղել (+ փխբ) ◆ Հաջոորդ օրը մենք արդեն օդում ենք, բռնում ենք հայրենիքի ճամփան: «Ավանգարդ» ◆ Դողդոջուն հարեր և ազազուն մայրեր ծերանոցի ճամբան կը բռնեն, պարզապես իրենց որդիներուն անզգամության հետևանքով: «Զարթոնք» ◆ Դշողքի ճամբան բռներ՝ արքայություն կերթամ կոր կըսե: Հակոբ Պարոնյան ◆ Դարձդարձիկ, խոնավ ճամբան ձեռք կառնեն: Հրաչ Զարդարյան ◆ Տըսնիս ի մին նեղ հըդե [«ուղի»], պըռնիս ի յադ [«այդ»] հըղեն ու գինես: ◆ Սակայն ահա նրա 100 գործերը բռնում են հայրենիքի ճանապարհը: «ՍՀ»
  3. մի ուղղությամբ շարժվել (փխբ․) ◆ Եթե իրավ է որ դպրոցը եկեղեցվույն գավիթն է, հավաստի ըլլանք որ մեր եկեղեցին առանց գավիթի մը ըյյայու ճամբան բռնած է: (Գրիգոր Զոհրապ)
  4. դեպի մի տեղ՝ մի նպատակ դիմել ◆ Իրենք (ղարաբաղցիները) բռնել են ամենակարևոր ճամփան՝ պետությամն կայացման ուղին: «Հայաստանի Հանրապետություն»

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։