մրջյուն անգամ՝ նույնիսկ՝ էլ չտրորել
Հայերեն դարձվածք
- շատ բարի մեկը լինել, որևէ չար բան անելու ընդունակ չլինել ◆ - Նիկիտիչի նման բարի մարդը... մրջյուն անգամ չի տրորել: Լևոն Խեչոյան ◆ Նույնիսկ մրջյո՜ւն չի տրորի և աշխատում է գեթ մի ժամով երջանկացնել իրեն հանդիպած բոլոր թշվառներին։ (Գևորգ Էմին) ◆ Միշտ այն բարի ու սւրբ մարդն է որ ոտքի տակ եկած մրջյունն ալ չպիտի ուզե տրորել: (Թլկատինցի) ◆ - Մեր տերը... բարի մարդ էր... նա այնքան վախենում էր Աստծուց, որ մրջիմ էլ կոխ չէր տա: (Րաֆֆի) ◆ Հարությունը, աշխարհի ամենեն բարի տղան... մրջյունի մը վրա անգամ չէր կոխած կյանքին մեջ։ Անդրանիկ Ծառուկյան ◆ - Աստված օղորմի հոգուն, ըռինդ [«լավ»] մարդ էր։ - Մրջոմին վրա ոտք չկոխեց: Հակոբ Օշական ◆ Սիրտն էնքան բարի էր, որ նհախ [«զուր»] տեղը ղուշ էլ չէ՛ր սպանիլ. մրջիմը չէ՛ր կոխիլ: (Խաչատուր Աբովյան) ◆ «Շատ գեղ [«անգամ»] մրջյունին շուքին վրա չկոխելը, իսկ ուրիշ ատեն ալ անիրավություններու հանդեպ չի մոռցած ոխը, երկինքը լեցնող առաքինություններ են եղեր։ (Թլկատինցի) ◆ - Խեչանենց Խեչանի ազգը պապե պապ մի ճանճ էլ չի սպանել, միջիմը չի կխչորել: (Պերճ Պռոշյան) ◆ Ես, որ մրջյունը չարի ոտնատակ... / Կանչում եմ, գոչում՝ սո՛ւր մերկացրեք, / Ելել է մրդու ոսոխն ամեհի։ Հովհաննես Շիրազ ◆ - Իմ ազնիվ, իմ բարի Դրաստամատը... մրջյուն անգամ չի կարող սպանել: Պերճ Զեյթունցյան ◆ - Փառք Տիրոջ, մրջյուն մը իսկ չեմ սպաննած, տերև մը իսկ չեմ գողցած։ Էդուարդ Բոյաջյան ◆ - Այդ չէ՛ կարող լինել, Վահան, նա յուր կյանքում մրջյունի անգամ չի վիրավորել: (Րաֆֆի)
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Լևոն Խեչոյան
- Քաղվածք/Գևորգ Էմին
- Քաղվածք/Թլկատինցի
- Քաղվածք/Րաֆֆի
- Քաղվածք/Անդրանիկ Ծառուկյան
- Քաղվածք/Հակոբ Օշական
- Քաղվածք/Խաչատուր Աբովյան
- Քաղվածք/Պերճ Պռոշյան
- Քաղվածք/Հովհաննես Շիրազ
- Քաղվածք/Պերճ Զեյթունցյան
- Քաղվածք/Էդուարդ Բոյաջյան
- Բառեր «Հայերեն դարձվածքների ընդարձակ բացատրական բառարան» գրքից