շանթ արձակել
Հայերեն դարձվածք
- զայրույթը ճայթեցնել (այս ու այն կողմ) ◆ Դիդեին պես լաց ու ողբ թողում, շանթ արձակեմ ետևեդ։ (Մաթևոս Մամուրյան) ◆ Կաթողիկոսը Տիգրանյանի դեմ շանթեր կ'արձակե և զանի պատժապարտ և առաջնորդության անարժան կը հրապարակե։ (Մաթևոս Մամուրյան) ◆ Եվ կըծու երգով մի՛ ծաղրիր նորան, / Շանթեր մի՛ թափիր խղճուկի գըլխին: (Ալեքսանդր Ծատուրյան) ◆ Եղիշեն ի՞նչ սանձարձակ ավյունով նոր շանթեր պիտի թափեր իր թշնամիի գլխուն: ՀրԱրմ ◆ Կ'երևակայեի մորեղբայրս, որ իր բարկության շանթերը կ'երձակեր վրաս: Օննիկ Չիֆթե-Սարաֆ ◆ Հանրային կարծիքը այն ատեն մանավանդ կ'որոտա ու շանթեր կը տեղա երբոր [ե՛րբօր] իր ամենեն խարխուլ...սկզբունքներեն մեկուն դեմ է մեղանչումը։ (Գրիգոր Զոհրապ) ◆ Վրդովվում են նաև Թիֆլիսի ժուռնալիստները և շանթ ու կրակ են տեղում բեսարաբիական պետական սկանդալիստի գլխին: Սուրեն Սպանդարյան ◆ Նա հիմա ուրախությամբ, մեծ ուրախությամբ կանցներ Փանոս աղայի դիրքերը և շանթ ու կրակ կթափեր...իր գլխին: Գուրգեն Մահարի ◆ Մոնոմախը փակեց իր աչքը, ուզեց շանթ կրակ թափել Մանազի գլխին, բայց զսպեց իրեն։ ԱՀովս ◆ Ասով Շահնազարի պորտը տեղը գնաց և...Վարչությունը իր ահեղ շանթերը գլխիս իջեցնելու պետք չունեցավ։ Երվանդ Օտյան
- բոցավառ խոսքեր արտասանել (հեգն․) ◆ Այս մեկը...բեմերեն շանթեր կ'արձակե և տիեզերքի դեմ մարտի շեփոր կը հնչեցնե փոթորկելով զանգվածները։ Անդրանիկ Ծառուկյան ◆ Մյուս կողմեն ամեն օր Պապին աթոռին վրա շանթեր կը թափեր: Հակոբ Պարոնյան
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Մաթևոս Մամուրյան
- Քաղվածք/Ալեքսանդր Ծատուրյան
- Քաղվածք/Օննիկ Չիֆթե-Սարաֆ
- Քաղվածք/Գրիգոր Զոհրապ
- Քաղվածք/Սուրեն Սպանդարյան
- Քաղվածք/Գուրգեն Մահարի
- Քաղվածք/Երվանդ Օտյան
- Հայերեն բառեր հեգնական իմաստով
- Քաղվածք/Անդրանիկ Ծառուկյան
- Քաղվածք/Հակոբ Պարոնյան
- Բառեր «Հայերեն դարձվածքների ընդարձակ բացատրական բառարան» գրքից