շան պես

Վիքիբառարան-ից

Հայերեն դարձվածք

շան պես 1[խմբագրել]

  1. սաստիկ, չափազանց ◆ - Առավոտից շան պես անոթի եմ։ Գնա, ճաշ պատրաստիր։ ԱլՇ ◆ - Ողջ ձմեռը շան պես կոնկոռնալով ենք անցկացրել...: - Օր է պատահում, որ տանը մի կտոր հաց չի լինում։ Ն-Դ

շան պես 2[խմբագրել]

  1. դառն չարչարանք կրելով ◆ - Ուզեց շան պես դատածս, մի քիչ ունեցածս խլել։ Վրթանես Փափազյան ◆ Ինք հոն փողոցի շան պես կը տանջեր ու կը տառապեր։ Տատր ◆ - Լավ չի անցնում կյանքդ, ախպերս, շան պես ես ապրում։ «Խորհրդային Ղարաբաղ» ◆ Այդ գիշեր մերոնք չքնեցին համարյա, ու ամենից ավելի ես, չնայած շան նման հոգնած էի։ Ստեփան Զորյան

շան պես 3[խմբագրել]

  1. անարգելով, մարդու տեղ չդնելով ◆ - Այո՛, այլևս ո՛չ մի խոսք այդ ավազակի մասին...ես շան պես դուրս կանեմ նրան մեր տնից։ Ն-Դ

շան պես 4[խմբագրել]

  1. կիպ, անբաժան. հավատարմորեն ◆ - Անձնատուր լինելուց հետո (Սառան) կապվեց ինձ հետ շան պես: Ն-Դ ◆ Վա՜յ նրան, ով որ տուն ու տեղ ունի, կապված է շան պես իրեն տան շեմին։ (Ավետիք Իսահակյան) ◆ համեմատության համար՝ Գործազուրկը շունի պես կապված է իր թաղին, շաբաթը առնվազն երկու օր պետք է ներկայանա զետեղման գրասենյակը։ Նշան Պեշիկթաշլյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։