խառն իրադրությունից իրադարձությունից օգուտ քաղել ◆ Արտաքին տեսքովդ որպես մի սուրբ մարդ, / Պղտոր ջրում ձուկ կըորսաս, ունիս կարթ, / Կեղծավոր, մանկանենգ, խորամանկ, կախարդ։ (Ջիվանի)◆ -Նրանք խորամանկել, պղտոր ջրում ձուկ որսալ գիտեն...Զգույշ եղեք։ (Աթաբեկ Խնկոյան)◆ Վերահաստատել ցուրտ պատերազմի պայմանները, պղտոր ջուրի մեջ ձուկ որսալ շարունակելու համար։ «Զարթոնք»◆ Պղտոր ջուրերու մեջ ձուկ որսալու հակամետ նենգամիտ անձեր ամեն տեղ չեն պակսիր։ «Արարատ»◆ (Իրենց) շահը կը պահանջեր իշխանազուրկ Հայաստան մը՝ պղտոր ջուրի մեջ որսալու համար իրենց բոլոր...միլիոնները։ ◆ Աթոռակռվի և քաղաքական ինտրիգների պղտոր հորձանուտում ձուկ որսացողներն անպակաս են մեր պատմությունից։ «Գրական թերթ»համեմատության համար՝◆ Դուք ջրի պղտորության մեջ ձուկ բռնողներ եք. պարզությունը ատելի է ձեզ։ (Րաֆֆի)◆ -Գնացեք էն վախտը պղտոր ջրի թոռ քցեցեք, որ թարբներդ [«ձկան որոգայթներդ»] ձկնոց կլցվի։ (Պերճ Պռոշյան)
