փչացնել. զուր կորցնել ◆ -Դու գարնանից տանջվեցիր, քարը դարձրիր հող, հիմա էլ տանջանքդ, հողն էլ հետը ջուրն ես գցում: Մուշեղ Գալշոյան
զուր վատնել, մսխել ◆ Քսան տարի անընդմեջ ծխողը «ջուրն է գցում» մոտ 6 հազար ռուբլի։ Երեկոյան Երևան◆ Ինչո՞ւ պիտի այդ գումարը վերցներ իր ձեռքով և ջուրը նետեր: Գուրգեն Մահարի◆ համեմատության համար՝ Երնե՜կ անոր, որ երբ նայի կտրած ճամբուն իր երկար՝ ջուրը նետված, հովին տրված վաստակի վիշտ չ’ունենար։ Վահե Վահյան
((արևմտհ․) ջուրը ձգել) ի դերև հանել ◆ Տարերային գաղթը դեպի Ուաշինկթընի երկիրը ջուրը ձգեց ամեն ակնկալություն։ «Զարթոնք»
((արևմտհ․) ջուրը նետել, (բրբ․) քարել) անտեսել, մի կողմ գցել, դեն նետել ◆ Կկռվի, որ իր «վարձքը ջուրն են գցում, իր լավությունն ուզում են հաշվով խառնեն»։ Մաթևոս Դարբինյան◆ Հաջորդ օրը հարևանիս «լավությունը ջուրը չգցելու համար» հրավիրեցի ճաշի։ Երեկոյան Երևան◆ Էմիլին կրնա կասկածիլ և ջուրը ձգել միտքին մեջ կազմած ծրագիրի այս կտորն անգամ։ Արմեն Դարյան◆ Հոյկ-հայկինքը ջուրն է քայե (Հարկն ու պատշաճը ջուրն է նետեր): (Հաճըն)
