սատանան փորը մտնել

Վիքիբառարան-ից
Jump to navigation Jump to search

Հայերեն դարձվածք

  1. մի գործուղության մղել՝ դրդել ◆ Չեմ գիտեր ինչպես եղավ, հանկարծ սատանան փորս մտավ և ինձի ըսավ որ երթամ, այդ աղջիկը համբուրեմ։ ․․․ Բայց հարկ չմնաց բռնության․ սատանան աղջկան ալ փորը մտած է եղեր։ Վահրամ Տատրյան ◆ Ո՞ր սատանան մտավ փորս ու զիս մղեց այդ չարամտության։ Ենովա Պետեան ◆ Ի՞նչ սատանա էր մտել փորդ, որ թաքուն վեր կացար, փախար։ Հովհաննես Հովհաննիսյան ◆ — Հա, էլի ի՞նչ սատանա մտավ պինչդ, ծիծաղեց Հովհաննես Կարապետը մոտենալով․․․ ինքն էլ խենթացած։ Դերենիկ Դեմիրճյան ◆ — Ինչո՞ւ հղի կովը մորթեց, հիմի էլ ուզում է կթան կովը ծախել․․․ Սատանա է մտել կողերը, դրդում է։ (Նաիրի Զարյան)
  2. չար բանով, չարությամբ կամ անցանկալի կարծվող զգացումով համակվել ◆ Հենց որ լսեց, թե կնունքը բակի դուռն է հասել, փորը սատանա ընկավ, սևացավ, նեռը դառավ։ (Պերճ Պռոշյան) ◆ Ան կը կարծեր թե թշնամիներ զինքը կը հալածեն, թե «մարդուց փորերը սատանաներ մտած են», «օձի լեզու ունի»։ ԶԷ ◆ — Ես խիստ սիրեցի այդ աղջիկը․․․ գուցե ամենեն ավելի։ — Է՛հ, ի՞նչ, սատանան դարձյալ փորդ մտավ։ Պետրոս Դուրյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։