սիրտը դատարկել

Վիքիբառարան-ից
Jump to navigation Jump to search

Հայերեն դարձվածք

  1. ներսում կուտակված հույզերը, մտքերը և այլն դուրս տալ ◆ Նա ուզում էր հանդիպել մի սրտացավ մարդու, գտնել մի կարեկից հոգի ու դատարկել սիրտը, որ չպատռվի: (Նաիրի Զարյան) ◆ Կ'ուզես որ գրեմ, ա՛յնքան արդեն սիրտս քեզ դատարկած եմ՝ որ ամեն զգացում քեզի նոր պիտի չգա: (Դանիել Վարուժան) ◆ Միայն կը զգամ որ պետք է բաներ մը ըսեմ քեզի, խոսիմ հետդ, պարպեմ սիրտս: (Ռուբեն Սևակ) ◆ - Ես խճճվել եմ,- ամբողջ սիրտն ու հոգին կնոջ առաջ դատարկեց արքան: Պերճ Զեյթունցյան
  2. (սիրտը թափ տալ) իր ներսը թեթևացնել ◆ Կողքի սենյակում հինգ-տաս, տասնհինգ րոպե մեն-մենակ լաց է եղել, սիրտը դատարկել: Վահագն Դավթյան ◆ Կ'ուզեր սիրտը պարպել իր տասնամյա դառնութենեն։ Վահրամ Մավյան ◆ -Թողեր եմ որ հայհոյե, սպառնա ու սիրտը թափ տա: Լևոն Շանթ ◆ Մխիթարվիլ կարծեցի սիրտս մեկուն ափը պարպելով: (Տիգրան Չյոկյուրյան) ◆ Ժողովի ընթացքին կողմերը լրիվ կերպով պարպեցին իրենց սրտերը, զիրար վիրավորվելու աստիճան: «Զարթոնք» ◆ Շատ թաքցրի սրտիս միջին / Զգացազուրկ մարդկանցից, / Այժմ ուզում եմ քո առաջին / Ողջ դատարկել իմ սրտից: Հովհաննես Թումանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։