սիրտը ճմլել

Վիքիբառարան-ից
Jump to navigation Jump to search

Հայերեն դարձվածք

  1. հոգեպես ճնշել՝ կեղեքել ◆ - Ահա թե ո՞վ է ճմլում մեր սիրտն այնքա՜ն անողորմ, այնքա՛ն անգութ, հավերժապես - մահն է դա: Մահն է ճմլում մեր սիրտը: (Ավետիք Իսահակյան) ◆ Այն աստիճան աղեկտուր էր նրա ձայնը, որ ցնցվեցի, և սիրտս կարծես սաստիկ, սաստիկ ճմլեցին: Ն-Դ ◆ Քոնկոյի [Քոնգոյի] մեջ տեսածները զինք տխրեցուցած էին և սիրտը ճմլած: «Զարթոնք» ◆ Դեռ իր մարմինը կսկիծին տակն էր այդ տեսակցության, ասոր սիրտ ճմլող հուզումներուն: Հակոբ Օշական
  2. անհանգստացնել, անհանգստություն պատճառել ◆ Մի ինչ-որ վատ նախազգացություն ճմլում էր նա սիրտը: Ն-Դ
  3. հաճելի զգացում զարթեցնել ◆ Այդ բուրմունքը քաղցր ճմլեց նրա սիրտը, և նա աչքերը կրկին փակելով, երազել սկսեց: Դերենիկ Դեմիրճյան ◆ Լուռ այրվող խանդով [«սիրով»] / Գրկում եք ամուր / Սիրտս անձնատուր / Եվ ճմլում այնքան / Քաղցը՜ր, դյուրեկան: Հովհաննես Թումանյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։