սիրտը շարժել

Վիքիբառարան-ից
Jump to navigation Jump to search

Հայերեն դարձվածք

  1. խղճահարություն առաջ բերել ◆ Ո՞ւմ սիրտն ես ուզում գթությամբ լցնել, / Շարժել քո անվերջ ցավ ու վշտերով։ (Ալեքսանդր Ծատուրյան) ◆ Այդ խորհրդավոր ու անմեկնելի գոյությունը, հալածական մարդու աստանդական կյանքը՝ սրտերնիս կը շարժեր։ (Գրիգոր Զոհրապ)
  2. հուզել ◆ Բայաթին նրա սիրտը այնպես շարժեց, որ արտասուք եկավ աչքերից։ (Ղազարոս Աղայան) ◆ Իմ բերանն ի՞նչ ա, որ լսողի սիրտը շարժի, էրի, խորովի։ (Խաչատուր Աբովյան) ◆ Զուտ մտավորական մըն ալ․․․կրնա եղեր սիրտ շարժել, հուզումնականի մը արդյունքներուն հասնիլ։ ◆ Փոխան տաղանդով արտասանելու / Նահատակներուն հոգիին ձոնված / Գեղոնն իր հուզմամբ, սրտեր շարժելու։ Բազե
  3. մեկի մտքի, հոգու վրա ազդել ◆ - Մի հավատար, թե․․․քո խոսքերը կարող են իմ սիրտը շարժել, թե Ամրամ սեպուհը կարող է հայրենիքի համար մտածել։ (Մուրացան) ◆ Ժողովրդյան գիրկն ապրիլ՝ առանց նվաստության, անոր սիրտը շաժել, դաստիարակել։ (Մաթևոս Մամուրյան)
  4. համակրանքը շահել ◆ Այն պատանիներին, որ խունկով և շողոքորթությամբ ամեն առթիվ կը պաշարեն աղջիկները, ամենևին սիրտս չէին շարժեր։ (Մաթևոս Մամուրյան)
  5. սեր զարթեցնել ◆ Ամենագեղեցիկ իշխանուհիների ձեռքը չէր համբուրի նա, իսկ այդ աղքատ աղջիկը նրա սիրտը շարժեց։ (Րաֆֆի) ◆ - Կ'ամոթահարիմ ըսելու թե այս աղջիկը սիրտս իր վրա կը շարժե։ Պետրոս Դուրյան ◆ Փոխնիփոխ փաղաքշական խոսքեր, «խուշըս» [«թռչնակս»], «հոգիս»,«խելքըս միտքըս վրատ է» Աղավնիին սիրտը շարժելու բացատրություններ։ Լևոն Բաշալյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։