սիրտ չունենալ
սիրտ չունենալ 1[խմբագրել]
Հայերեն դարձվածք
- [մի բան անելու] - տրամադրությունը կորած լինել, սիրտ չմնալ ◆ Առիթները շատ են եղել, բայց սիրտ չեմ ունեցել, ցանկություն չեմ ունեցել Կրոյան ◆ Բայրում Ալին սիրտ չուներ արյուն թափելու։ (Ավետիք Իսահակյան) ◆ Թող անհամ կատակներըդ մեկիդ, ես այլևս ամենևին սիրտ չունեմ կատարելու։ Լևոն Շանթ ◆ (Տան զբաղումներու համար) գլուխ ու սիրտ չէր ունեցած հորը կամ մորը ձեռգին տակ հայերեն։ Հակոբ Օշական ◆ Իսկ իշխանուհին կամ պարոն Հարութունյանը ոչ դատարկաբանություն սիրտ ունին, ոչ ժպտալու և ոչ էլ թեյ խմելու։ Ն-Դ ◆ Թորիկ Ղուղաս ոչ տուն երթալու սիրտ ուներ, ոչ տամա [դամա] խաղալու։ Համաստեղ
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
սիրտ չունենալ 2[խմբագրել]
Հայերեն դարձվածք
- զգացմունքից պարտված լինել ◆ Մի՞թե այդ մարդիկ սիրտ չունե՞ին, հոգի չունե՞ին, չե՞ն մտածում, չե՞ն սիրում, չե՞մ ատում, չե՞ն նախանձում։ (Շիրվանզադե) ◆ Է՛հ, գիտե՞ս, օղուլ [«զավակս»], ամերիկային մեջ չես լար. լացը ամո՛թ է... արդյոք դա՞րդ չունին, թե սիրտ չունին: Սիմոն Սիմոնյան ◆ Սիրտ չունի՞ք դուք, խեղդեցեք զիս, իմ ձեռքերըս ա՛լ ուժ չունի: Սիամանթո
- (փորում սիրտ չունենալ) անխիղճ, անկարեկից լինել ◆ Չէ՞ որ մարդիկ է՛լ սիրտ չունին, / անսիրտ մարդը ցավ չունի։ (Ավետիք Իսահակյան) ◆ Մարդիկ... հազար անգամ խելոք ու գիտակից են այդ կռունկից, բայց սիրտ չունեն, ընկերոջ համար իրենց կյանքը վտանգի չեն ենթարկի։ (Վախթանգ Անանյան) ◆ Ձգե՛, դուն սիրտ չունես, ազգային մեկն ես։ Լևոն Բաշալյան ◆ Իմս օտարականի մը կեցվածքն է իրեն հանդեպ, սիրտ չունեցող օտարականներու տեսակն, պաղ, անտարբեր։ Վահրամ Մավյան ◆ «Մի՞թե սա սիրտ բնավ չուներ փորում, / երբեք սիրտը ցաված չէ՞ր յուր օրում» Ռափայել Պատկանյան
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
սիրտ չունենալ 3[խմբագրել]
Հայերեն դարձվածք
- Չհամարձակվել, քաջություն չունենալ, սիրտ չանել ◆ Ավազակը սիրտ չուներ նրա հոտի շուրջը ման գալ և ոչ իսկ գայլը ոչխարի կողքին քաշ գալ։ Վրթանես Փափազյան ◆ Հայ ազգը պետք է որ սիրտ չի ունեցած ըլլի, որ էնքան բաները գլխովն անց են կացել, մեկ մարդ էլա չ՛ի դուրս եկել, որ մեկ րստի բան գիր։ (Խաչատուր Աբովյան)
Աղբյուրներ[խմբագրել]
- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Ավետիք Իսահակյան
- Քաղվածք/Լևոն Շանթ
- Քաղվածք/Հակոբ Օշական
- Քաղվածք/Համաստեղ
- Բառեր «Հայերեն դարձվածքների ընդարձակ բացատրական բառարան» գրքից
- Քաղվածք/Շիրվանզադե
- Քաղվածք/Սիմոն Սիմոնյան
- Քաղվածք/Սիամանթո
- Քաղվածք/Վախթանգ Անանյան
- Քաղվածք/Լևոն Բաշալյան
- Քաղվածք/Վահրամ Մավյան
- Քաղվածք/Ռափայել Պատկանյան
- Քաղվածք/Վրթանես Փափազյան
- Քաղվածք/Խաչատուր Աբովյան