սրտին՝ սրտի մոտ՝ մոտիկ

Վիքիբառարան-ից

Հայերեն դարձվածք

  1. հարազատ․ սիրելի ◆ Յուր սրտին այնքան մոտ պատկերները, յուր համար այնքան թանկագին էակները այժմ․․․ հետևում էին նրան, հալածում էին նրան։ Ր․Սամվել ◆ Ինչ էլ գովերգում է գուսանը՝ անկեղծ է, մոտ բոլորի սրտին, հարազատ։ «ՍՀ» ◆ Հազար անգամ պատրաստ էր փոխելու այս ափիոնով խառնված հարստությունը, սրտի մոտ մարդու մը բարեկամությանը հետ։ (Գրիգոր Զոհրապ) ◆ Դեռ կապրի իր հեռավոր, բայց միշտ ալ սրտի մոտիկ հայրենիքն ու անոր գիրին ու մշակույթին ազնվական կիրքովը։ Բենիամին Նուրիկյան
  2. մտերմիկ, անկեղծ◆ Սրտակից ու սրտին մոտիկ խոսակցությո՜ւն։ Դերենիկ Դեմիրճյան ◆ Փողոցին պզտիկնեը․․․ իրենց խաղերուն մեջ իսկ առիթ կը գտնեն անոր հետ քանի մը սրտի մոտիկ բառեր փոխանակոլու։ Օչ
  3. հոգուն ապրումներին մտածումներին բռնող◆ Զրույց աշխուժանում է, բոլորի սրտին մոտ թեմա։ Գրիգոր Բալասանյան ◆ Շախմատում իմ սրտին մոտ է արվեստը, իսկ արվեստում մոտ է այն, ինչը մարդկանց իմաստություն ու բերկրանք է բերում։ «ՍՀ» ◆ Շատ կը սիրեմ միջնադարյան և եկեղեցական երաժշտությունը, որ շատ մոտ է սրտիս։ «Զարթոնք»
  4. սիրելի և ընդունելի◆ Իսահակյանը մեծ հումանիստ է, որի սրտին մոտ են աշխարհի բոլոր ժողովուրդները։ (Ավետիք Իսահակյան)
  5. դուր եկող, դուրեկան ◆ Երիտասարդ իշխանը սիրում էր իրան շրջապատել այն առարկաներով, որ յուր սրտին շատ մոտ էին։ Ր․ Սամվել ◆ Գեթ հարազատ համ ունի ու սրտի մոտ հոտ մը կը բուրե։ (Գրիգոր Զոհրապ) ◆ Իրիկնապահին միայն, իր սրտի մոտ մի էշ-ավանակ հավանեց։ Սերո Խանզադյան
  6. հոգածության առարկան եղող◆ Գիտեմ թե որքան մոտիկ են հայու բեկորները սիրտիդ։ Վահրամ Մավյան ◆ Այլ նա՛, մո՛տ է ում սրտին և հոգուն / Ձեր բա՛խտը դաժան, բա՛խտը հայկական։ Եվտուշենկո

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։