սրտին դիպչել

Հայերեն դարձվածք

1. նեղացնել, նեղություն նեղսրտություն պատճառել ◆ - Համ էլ ձուկն ինչ որս է որ... ◆ - Սրտին կկպչի, ձկան որսը խելագարի պես է սիրում։ (Վախթանգ Անանյան) ◆ Նա երախտապարտ էր համարում իրան այդ մարդու առջև և չէր ուզում ոչ մի բանով նրա սրտին չդիպչել: ԱլՇ ◆ - աԱյս տեղի բազմությունը ձանձրացուցիչ է, ըսավ... տարօրինակ կերպով երիտարսարդներին սրտին դիպավ: (Գրիգոր Զոհրապ) ◆ Մեծ եղբայր մը...հիվանդ կ՛ըկկար որ սրտի դպչող վնաս մը կը կրեր փոքրիկ տղա։ Հրաչ Զարդարյան ◆ Խիստ սրտին դիբավ, վուր փուղն էսենց անօրենք է վարում նրա հիդ ու աչքիրն արցունքովեցավ։ Գաբրիել Սունդուկյան ◆ համեմատության համար՝ - Հողի սրտին դիպա, էն էլ աչքիս նեղացածի պես կերևա։ (Մ․ Սարգսյան)
2. վիրավորել, վիրավորական հնչել ◆ Նա էս խոսքերն էնպես ասավ որ՝ սրտիս դիպավ: Ես՝ վախկոտ։ Ստեփան Զորյան ◆ Եվ երբ նոցա սև սրտերին / Խոսքս դիպավ, որպես նետ. / Նորքա փրփուր բերաններին / Թույն խառնեցին հացիս հետ։ (Ալեքսանդր Ծատուրյան) ◆ Ասիկա էր ամենեն ավելի իրենց սրտին դիպչող բանը, իրենց ազնվական անձնասիրության մեջ վիրավորված էին անոնք։ Եր ◆ համեմատության համար՝ - Կարո, թանկագինս, անիծվի պատերազմը, որ քո սրտին էլ դիպավ: (Մ․ Սարգսյան)
3. ուժգին վատ ազդել ◆ - Լռելո՞ւ ես, հիմար կին, թե՞ չէ։ ◆ - Ի՞նչ է, սրտիդ դիպան, հաա՞: ԱլՇ ◆ Բայց հարցն ինձ համար խիստ անձնական, սրտին դիպչող եթե կարելի է ասել՝ նույնիսկ հիվանդագին բնույթ ունի։ Պերճ Զեյթունցյան ◆ Հորս (դրամի համար) դիմել սրտիս կը դիպչի, արյուն քրտինք մտնելե վերջ ան հազիվ կարող է ընտանիքը ապրեցնել։ Դվ
4. հուզել, խղճահարություն առաջացնել ◆ - Մայրս հիշեցի, հարևան ջան, նվազդ դպավ սրտիս: Գեղամ Սևան ◆ Սրտին կը դիպեր այս օտարական, մենավոր, վախկոտ հոգիին չարչարանքը։ Հակոբ Օշական ◆ Իր պատմությունը կսկծալի էր, սրտին դիպող: Լևոն Բաշալյան

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։