սրտի հատոր

Վիքիբառարան-ից

Հայերեն դարձվածք

  1. սիրած էակ◆ Գործնականում սերը նրանց համար վաղ գարնանամուտին հավաքած ու «սրտի հատորին» ուղարկված ձնծաղիկ էր։ (Խաժակ Գյուլնազարյան) ◆ Հոգուս հատոր, / Սըրտիս կըտոր, / Դասիս համար / Դու մի՛ հոգար։ Հովհաննես Թումանյան ◆ Նշանածը հսկեց իր սրտին հատորին մոտ։ Երուխան ◆ Մենք Անկլիացիք ավելի հանդարտ, խոհեմ ու խորունկ զգացմամբ կը միանանք մեր սրտի հատորին հետ։ Մամ․
  2. սիրելի, սրտամոտ մարդ ◆ Ապա ի՞նչ անեն մեր սրտի հատորները, որ օտարի հողին պիտի խառնվեն։ Դերենիկ Դեմիրճյան ◆ Այն ձեր սրտի հատորն ազնիվ / Թըռավ գընաց, մեռավ Ազնիվ։ (Մկրտիչ Պեշիկթաշլյան) ◆ Էրթանք բարո՛վ, էրթաք բարո՛վ, / Մեր սրտի կտոր ընկերնե՛ր։ (Ավետիք Իսահակյան) ◆ համեմատության համար՝ Ի՜նչպես պենք է պահե իր սրտին հատորը (Սևանը), ի՜նչպես պետք է պաշտպանե։ Անդրանիկ Ծառուկյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։