սրտի վրա ծանրանալ

Հայերեն դարձվածք

1. վիշտ ապրել ◆ Եթե տղամարդը լաց է լինում, ուրեմն նա մեծ վիշտ ունի, նրա սրտին մի մեծ ցավ կա ծանրացած: Ռոզլին Սիմոն ◆ Աշխարում էր զոռով ցրել այն անձուկը, որ յուր կամաց հակառակը գալիս, ծանրանում էր իր արտի վրա: (Մուրացան) ◆ Ակնե (այգիեն) հեռանալ շատ ծանր կսկիծի մը պես կ՛իջներ բոլորին ալ սրտին վրա: Վահե Հայկ ◆ համեմատության համար՝ Դալար սրտիս սուրբ արցունքը քարացավ / Ու ծանրացավ սրտիս վրա դառնագին։ (Ավետիք Իսահակյան)
2. հոգս պատճառել ◆ Գիտակցությունը հաջորդեց սորան, / Ազգի վիճակը ծանրացավ սրտիս: (Միքայել Նալբանդյան) ◆ Սիմոնը նստել էր դարբասի քարին և քարի նման հոգսը ծանրացել էր նրա սրտին: (Ակսել Բակունց) ◆ Նրա սրտի վրա ծանրացած էին տխուր իրողությունների դառն հարվածները։ (Րաֆֆի)
3. հանգիստ չտալ, հետապնդել ◆ Ինչպես վաղուց տրված մի խոստում, կամ ինչպես ժամանակին չբվաճարած պարտամուրհակ - ծանրանում է սրտիս, անողոք - ուտում է սրտիս։ Եղիշե Չարենց ◆ Սրտիս վրա ծանրացող հարց մը կար սակայն, որ հետզհետե խղճի խայթի կերպարանք կ՛առներ։ Պողոս Գյուբելյան
4. խղճին հանգիստ չտալ, խղճին նստել ◆ Բոլոր զանցանքները, հանրագումարի գալով, դարձան Ստեփանի դեմ գործված հանցանքի մի զգացում, որը և ժայռի պես ծանրացավ մեր սրտին: Ֆրանց Վերֆել ◆ Յուր սրտի վրա ոչինչ հանցանք չէ ծանրացած դեպի նա։ Ն-Դ ◆ - Ի՞նչ ընեմ, չիյեմ, սանկ քիչ մը հասկցնեմ կ՛ըսեմ կոր, ետքեն սրտիս վրա բեռ չըլլա: Երվանդ Օտյան
5. ճանաչել ◆ «Սրտիս շատ ծանր եկավ Արսենե բաժնվիլս»։ Լևոն Բաշալյան ◆ համեմատության համար՝ Առավոտը զարթնեցի մի անսովոր ծանրություն սրտիս վրա: ԱլՇ
6. ներսը խռովել, կրծել ◆ Պարոն Դուդուկջյանը, կարծես, աշխատում էր այս գիշեր դուրս թափել բոլոր դառնությունները, որ ծանրացած էին նրա սրտի վրա: (Րաֆֆի) ◆ Եվ հիմա ներքուստ ուրախ էր այսքան ժամանակ սրտին վրա ծանրացածը անգամ մը արտահայտած ըլլալուն։ Լևոն Շանթ ◆ Ստույգ էր (սնանկության) լուրը։ Չուրախացավ։ Քար մը, ծանր քար մը ինկավ կարծես սիիրտին վրա: (Ավետիս Ալիքսանյան)

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։