վրա ընկնել

Վիքիբառարան-ից

Հայերեն դարձվածք

  1. վրա ինյալ ◆ Թիկնապահները իսկույն վրա ընկան, որ խողխողեն ծերունուն ։ Դերենիկ Դեմիրճյան ◆ Ու մինչ ահագին մարմինը կշարժեր տեղից, ես վրա ընկա, նորից պառկեցրի, չոքեցի կրծքին։ Ն-Դ ◆ «Էնվեր և Թալեաթ պեյ օգտվեցան պատերազմեն ստեղծցած մեկուսացումեն և ինկան հայերու վրա»: «Զարթոնք» ◆ Չէ թե մարթ մոդ գնա, ձեռը տա, ազատե նրան՝ մեկի մագիեր տասը մետի վրա ինք դառնում։ Սունդ. ◆ Ծըմակումը հինչքան մրջեմն, պղոճ կա, լոխ յըրան ըն տեռնու: ◆ Ինքը մոլեգին վրա ընկավ խորտիկներին, սկսեց ախորժակով ուտել։ Դերենիկ Դեմիրճյան
  2. հարձակվել, ստիպել ◆ «Յըրա յա ընգալ, թա լհյա տու իմ կամքը պիտի կատարես»։
  3. վրա թափվել ◆ Մարտիկները վրա ընկան և սկսեցին իրար ձեռից խլելով համբուրել նրա աջը, նժույգի աչքերը, սանձը։ Դերենիկ Դեմիրճյան ◆ Այն ատեն բոլորը վրաս պիտի իյնան, զիս ձեր գործակալը պիտի նկատեն։ «Զարթոնք»
  4. թափով (վրա) հասնել ◆ Դրաստամատը, երբ տեսավ, վրա ընկավ, դանակը քաշեց հանեց նրա մարմնից և խրեց իր կողը։ Փավստոս Բուզանդ ◆ Ուշքի եկա այն ժամանակ, երբ մեկը վրա ընկավ բռնեց երկու ձեռերցս և բոլոր ուժով վեր կացրեց ինձ այդ թշվառականի վրայից։ Ն-Դ ◆ Վըեր խաթրըտ պայիլ չի յե՜, յրա կըդառնանք, ծիքը տանք հանենքյ։ Անգլուխ տերտերը
  5. հետամտիլ
  6. փլվել ◆ -Էդ ինչ ես էկել, Գիքոր ջան,-մղկտալով վրա ընկավ Համբոն։ Հովհաննես Թումանյան ◆ Վասակը վրա ընկավ, բռնեց նրա արյունաթաթախ գլուխը։ Դերենիկ Դեմիրճյան
  7. եռանդուն գործի կպչել ◆ Վրա ընկավ իր ամաններին, սկսեց արագ-արագ լվալ։ Սաթոն ◆ Մյուսները վրա ընկան, սկեսեցին հետևի և առջևի ոտներով փորել յունն ու ետ ածե։
  8. կառչել ◆ Նա ագահորեն վրա ընկավ իր անողոք մտքի մի այնպիսի նոր հաստատության։ Դերենիկ Դեմիրճյան ◆ Չկրցավ նվաճել եվրոպական մեծ սրահները... և ինկավ... Թուրքիո վրա՝ խորհրելով թե կրնար ի միջի այլոց քծնանքով հաջողություն ձեռք ձգել։ «Զարթոնք»
  9. կպչել ◆ Ինչպես մի անգին գյուտի վրա, վրա ընկա այդ տետրակին և ահագին հետաքրքրությամբ սկսեցի թերթել։ Ն-Դ ◆ Նորից վրա ընկավ էլեկտրական զանգակի կոճակին և սկսեց սեղմել առաջվանից էլ ավելի ամուր ու երկարատև ։
  10. թափով կպչել տնտղել ◆ Նա վրա ընկավ և դողդող ձեռքերով սկսեց շոշափել Արտեմի պառկած տեղը թախտի վրա։ ◆ -Հարբած-տրաքված տուն էկավ ու... եննա վրա ընկավ թարեքին:Տեսավ երկու կտոր շաքար պակաս ա։
  11. հետքը բռնել ◆ Արջի վրա ընկա՜... Իմ ձեն-ձունի վրա իրեն խփել էր ձո՜րը։ (Հրանտ Մաթևոսյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։

Հայերեն դարձվածք

  1. արձագանքել ռեակցիա տալ ◆ Թերևս հայրս գուշակում էր, որ մայրս այդպիսի բան կարող էր անել, բայց վրա չընկավ, քանի որ... իր կամքը ձևականորեն կատարվում էր։ (Վահան Թոթովենց)
  2. գլխի ընկնել ◆ Մագրամ չուստ վրա ննգավ բանի զորութենին։ Սունդ.

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։