տակից դուրս գալ

Վիքիբառարան-ից

Հայերեն դարձվածք

տակից դուրս գալ 1[խմբագրել]

  1. հաջողությամբ կատարել՝ գլուխ բերել ◆ «Վախենում եմ (վեպի) տակից չկարողանամ դուրս գալ»: Ն-Դ ◆ - Նա էդ քո Ավետիսին մեղադրեց հակակառավարական գործի մեջ, որի տակից չկարողացավ դուրս գա Ավետիսը։ Մաթևոս Դարբինյան
  2. հաղթահարել ◆ Տակից դու չես կարող դուրս գալ, իմ հոգի, / Չափազանց մեծ գործի կպչելը լավ չէ։ (Ջիվանի) ◆ - Մարդս հինգ-տասը շահի ենք պարտք առել՝ ճուտեր ա հանել, մեր վրա պառկել, տակիցը դուս չենք կարում գալ: (Պերճ Պռոշյան) ◆ Գնդակը ես չե՞մ, հիմի էլ որձին չեմ դիպչում, էգին չեմ դիպչում, դե էն ժամանակ արի դրա մեղքի տակիցը դուրս արի: (Վախթանգ Անանյան)
  3. փոխարենը հատուցել (լավության...) ◆ Չեն ուզում ձրի վերցնել, ուզում են մի բանով վարձահատույց լինել, լավության տակից դուրս գալ: Մաթևոս Դարբինյան ◆ Որդին բռնումը ձվածեղ էր անի, մոր ամակի (երախտիք) տակից չի կարա դուս գալ:
  4. հնարամտորեն ազատվել, միջոց՝ պատասխան գտնել ◆ -Ձեր մեղքը ձեր շլի՜նքը, գնացե՛ք, ոնց կուզեք, խոսքի տակից դուրս եկեք: (Պերճ Պռոշյան) ◆ Տրորվեց, կոփվեց Բարխոն, դիմացավ, տակից դուրս եկավ: Դերենիկ Դեմիրճյան

տակից դուրս գալ 2[խմբագրել]

  1. հայտնվել, ի հայտ գալ ◆ Եվ դեռ տակից ինչեր են դուրս գալու, էն էլ շուտով կտեսնեք։ (Հրանտ Մաթևոսյան) ◆ Այսօրվանից արդեն Ջալալօղլի սկսվել է (զորակոչի) վիճակահանությունը, տեսնենք տակիցն ինչ դուրս կըգա: Հովհաննես Թումանյան ◆ Տակից դու չես կարող դուրս գալ, իմ հոգի, / Չափազանց մեծ գործի կպչելը լավ չէ։ (Ջիվանի) ◆ Մեղքի մեծը քու տակիցը դուրս եկավ, / Կարծըված սուրբ արդար, քեզ էլ իմացանք։ (Ջիվանի) ◆ - Ի՞նչ եք դուք, - ֆրազյորներ, կապիկներ։ Զեզ որ փետրահան անենք, տակներիցդ մի-մի մղդսի դուրս կգա: Ն-Դ
  2. ստացվել ◆ - Ինչքան մեջս ծանր ու թեթև եմ անում, տեսնում եմ, որ տակից լավ բան չի դուրս գալու: (Պերճ Պռոշյան) ◆ - Ըստուր տակիցը լավ բան չի դուրս գալի: (Պերճ Պռոշյան) ◆ - Չէ, աս պատմության տակեն աղեկ բան չէ դուրս գալու: Լևոն Շանթ ◆ Սուտ խենդ ձևանալը կարելի չէ այլևս և կրնա տակեն գեշ բան մը դուրս գալ: Անդրանիկ Ծառուկյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։