եկամտաբեր պաշտոն ◆ Չսկսե՞նք հիշել նրանց, որ ընտրել են գյուղատնտեսի մասնագիտություն, բայց քաղաքում իրենց մրսկան «ես»-ի համար տաքուկ անկյուն են փնտրել-գտել։ «Ավանգարդ»◆ Պետական կարևորություն ունեցող աշխատանքը լքող դիպլոմավորները տեղավորվում են տաք անկյուններում։ «ՍՀ» ◆ «Սիրագորով» հայրիկների ու մայրիկների կամքն են կատարել, հանգիստ անկյուններ գտել։ ◆ Դպրոց, հետո ինչ-որ մի ԲՈՒՀ, մի ազդեցիկ զանգահարղ,-/ Եվ տաք տեղն է ապահովված ․․․ Այսպես ապրել դու չե՞ս կարող։ Պարույր Սևակ
խաղաղ, ապահով տեղ ◆ Կյանքի, սիրո մեծ պայքարում Կամքդ անվերջ կոփիր, մա՛րդ, Մի՛ որոնիր դու աշխարհում Անկյուն՝ տաքուկ ու հանդարտ։ Թորոսյան ◆ Ոչ ջահել կնիկ Ունեմ իմ կողքին, Ոչ թև ու թիկունք, Մտերիմ ընկեր, Ոչ մի տաք անկյուն, Ոչ արծաթ-ոսկի։ Հովհաննես Թումանյան◆ Այնքան պետք են այստեղ․ քաշվել են իրենց տաք անկյունները և, չկա տարակույս, աղոթում են մեր պարտության համար։ ԱՀովս․
ջերմ մթնոլորտ ◆ Շարունակեցի գնալ դեպի տուն՝ դեպի իմ բախտը, իմ գրասեղանը, իմ տաքուկ անկյունը։ (Հրանտ Մաթևոսյան)◆ - Մեր վանքը, փառք Աստծու, ավեր չէ և կարող է տաք անկյուն ու մի աման կերակուր պատրաստել ձեզ նման հյուրերի համար։ (Լեո)◆ Թեև երիտասարդ, բայց հոգնած և աշխարհից հիասթափված, մի տաքուկ անկյուն էր գտել արև ի տակ՝ իր պարզունակ՝ ոչ շատ խելացի կնոջ սրտում։ (Վահրամ Փափազյան)◆ Անջրպետին մեջ անհունատարած Չկա քեզ նման ուրիշ անուշ աստղ, Ուրիշ հյուրընկալ և տաքուկ անկյուն։ Մուշեղ Իշխան◆ Շատ գոհ ու ուրախ եղա որ սրտիդ մեջ հիշատակս և կամ անունս տաքուկ խորշ մը գրավեր են եղեր, մանավանդ այս սառնարանին, այսինքն աշխարհին մեջ։ Գարապաճաքյան
