փառք Աստծո
Հայերեն դարձվածք
- գոհության արտահայտություն է ◆ Ինքը, փառք Աստծո, փողի կարոտություն չունի։ (Րաֆֆի) ◆ - փառք Աստծո, ամեն բան ունինք երջանիկ ըլլալու համար։ Վահրամ Մավյան ◆ Աստծուն փառք այն ժամանակ ոչ սկլերոզ ունեինք, ոչ արյան բարձր ճնշում։ (Խաժակ Գյուլնազարյան) ◆ Ինքը, ասսուն փառք, դեռ կարողանում է ծերը ծերին հասցնել։ (Նար-Դոս) ◆ «Փառք ըլի Աստծուն, ի՜նչ կա, ամեն տարվա պես տարի է, է՜լի» Վրթանես Փափազյան ◆ -Փառք տիրոջ, հոս գործը առատ է և մանավանդ ձեզի պես վարպետ դարձակ մը պարապ չի մնար։ Շահան Շահնուր ◆ տերին փառք, տեղը հլա շատ կա։ (Խաչատուր Աբովյան) ◆ Վերջապես եկավ ժամը, փա՜ռք երկնավորին, որ շուտ եկավ։ Պերճ Զեյթունցյան ◆ - Հա՜, Փառք երկնքին, լավ են աշխատում։ (Վախթանգ Անանյան) ◆ - Փա՜ռք ալլահին, ո՜ չ համարձակությունս, ո՜չ էլ փորձառությունս․․․ Ն-Դ ◆ Փա՜ռք ալլահին, իր թագավորությունը կը տարծվեր երկրի վրա ու աշխարհի չորս ծաերուն։ Ռուբեն Զարդարյան
- հեգնորեն ասվում է, իբրև «գոհություն» կամ «գովասանք»։◆ Այս մասին առայժմ ոչ ոքի ականջը մի ձգիր, որովհետև, փառք Աստծո, ազգասերներ շատ ունինք, կարող են խանգարել։ Ն-Դ ◆ - Տեղկոմն էլ, փառք աստծո, համ նային է խանգարել։ Ն-Դ ◆ Կով, փա՜ռք աստծո, թույլատրու եք․ թույլատրեք նաև խոտ՝ այդ կովի համար՝ (Հրանտ Մաթևոսյան)
- պարծենալու արտահայտոթյուն է․◆ - իմ ազնվության համար էստեղ խոսք բաց անիլը տեղը չի, բայց ռահաթի մեջ էլ, փառք Աստծու, մարդ եմ՝ ինչ որ մարդին կսազի։ (Պերճ Պռոշյան) ◆ - էդպեսները որ հաց են գտնում, մեզ ին՜չ է էլիլ, փառք Աստուծո, որ դրանց կտանենք ջուրը՝ ծարավ ետ բերեք։ (Ղազարոս Աղայան)
- ինչ լավ է որ ◆ Եվ դեռ փառք Աստծու - այո՛, փառք Աստծո, - որ կաթվածն այնքան էլ սաստիկ չէր «Հայաստանի Հանրապետություն» ◆ Եվ փառք աստծո, աստծուն հազար փառք, որ Կիրովականից դագաղով էին բերում։ (Հրանտ Մաթևոսյան) ◆ - Ծո՛, աղբոր, փառք Աստուծո չմեռած իրար տեսանք։ Հակոբ Օշական ◆ Էլի փառք Աստձու, դիփունքը մեյմունութենի էդնեն չին։ ◆ Հետո նրա միջոցով իրանց կողմը քաշել գյուղի ազդեցիկ մարդկանց, որ փառք ամենակարողին, հո էլի կա՞ն բացի հոգաբարձուներից։ Դերենիկ Դեմիրճյան
Աղբյուրներ
[խմբագրել]- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։
Կատեգորիաներ:
- Հայերեն դարձվածքներ
- Քաղվածք/Րաֆֆի
- Քաղվածք/Վահրամ Մավյան
- Քաղվածք/Խաժակ Գյուլնազարյան
- Քաղվածք/Նար-Դոս
- Քաղվածք/Վրթանես Փափազյան
- Քաղվածք/Շահան Շահնուր
- Քաղվածք/Խաչատուր Աբովյան
- Քաղվածք/Պերճ Զեյթունցյան
- Քաղվածք/Վախթանգ Անանյան
- Քաղվածք/Ռուբեն Զարդարյան
- Քաղվածք/Հրանտ Մաթևոսյան
- Քաղվածք/Պերճ Պռոշյան
- Քաղվածք/Ղազարոս Աղայան
- Քաղվածք/«Հայաստանի Հանրապետություն»
- Քաղվածք/Հակոբ Օշական
- Քաղվածք/Դերենիկ Դեմիրճյան
- Բառեր «Հայերեն դարձվածքների ընդարձակ բացատրական բառարան» գրքից