փշոտ ճանապարհ

Վիքիբառարան-ից
Jump to navigation Jump to search

Հայերեն դարձվածք

  1. դժվարություններով, խոչընդոտներով, հալածանքներով լեցուն կենսուղի ◆ Ոհ, փշոտ է ճանապարհըդ, / Քեզ շատ փորձանք կըսպասե. / Ազատություն սիրողին / Այս աշխարհը խիստ նեղ է: (Միքայել Նալբանդյան) ◆ - Բավական լույս ու արև թափեցիր հայկական ազատության փշոտ ճամբուն վրա: Պետրոս Դուրյան ◆ Մի պոետի մասին գրելիս ամեն մի ռեպորտյոր գիտե, որ պետք է խոսի «փշերով պատած» ճանապարհի մասին: (Վահան Տերյան) ◆ - Վերջապես ցավոք ծնա և ցավոք պիտի մեռնիմ... խանձարուրես մինչև գերեզմանս փշալից ճամբա մը պիտի անցնիմ: Պետրոս Դուրյան ◆ Երախտագիտութենե մինչև սեր՝ ճամբան կարճ է, միայն կը փափաքիմ որ այդ ճամբան փշալիր չլինի: (Մաթևոս Մամուրյան) ◆ Նրան ավելի եռանդ, ավելի ուժ էր ներշնչում յուր ընտրած փշյա ճանապարհովն առաջ ընթանալու: Ն-Դ ◆ Հետագայում հասկանալի լինի քեզ այն տարօրինակ... հաճախ էլ տատասկներով ու փշերով հյուսված...ճանապարհը, որ իմ կյանքը եղավ: (Վահրամ Փափազյան)

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։