քաղաքացիական՝ քաղաքացիության իրավունք ձեռք բերել

Վիքիբառարան-ից
Jump to navigation Jump to search

Հայերեն դարձվածք

  1. հասարակության կողմից ընդունվել, ճանաչում գտնել․ այնտեղ` տարածվել-կայունանալ ◆ Չեմ խոսում հոնքերը անպատճառ սև ներկելու և երեսները սպիտակ օծանելիք քսելու մասին, դրանք․․․ քաղաքացիական իրավունք են ստացել: (Լեո) ◆ Տեսեք թե ո՞րքան սխալ բառեր ու նախադասություններ պետք է քաղաքացիական իրավունք ստանային ու մնային մեր բերանում: Հովհաննես Թումանյան ◆ Մտածե՜ հասարակության մը մասին, ուր այդ ախտը քաղաքացիական իրավունք ստանա, ի՜նչ անառակություն: (Վազգեն Շուշանյան) ◆ Բայց անցավ մի քանի տասնամյակ, մինչև որ (100-վանդականի) շաշկին միջազգային քաղաքացիության իրավունք ստացավ: «Ավանգարդ» ◆ Այս դրույթը համարվում է ճիշտ և արդեն քաղաքացիության իրավունք է ստացել գիտության մեջ: Սուրեն Սպանդարյան ◆ Օրվա գրականության մեջ քաղաքացիության իրավունք ձեռք բերած մեկե ավելի սիրուն բառերու հայրությունը իրն է: Արտաշես Հարությունյան

Աղբյուրներ[խմբագրել]

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։